ഗെയ്ൽ പദ്ധതിക്കും എതിർപ്പുണ്ടായിരുന്നു. എതിർപ്പിൽ കാര്യമില്ലെന്ന് അവരെ മനസിലാക്കി. എതിർത്തവർ പിന്നീട് പദ്ധതിക്ക് ഒപ്പം നിന്നെന്നും പിണറായി വിജയൻ പറഞ്ഞു. ഏതു പുതിയ പരിഷ്കാരം വന്നാലും ചിലര് എതിര്ക്കുമെന്നും ഗെയില് ഉദാഹരണമാക്കി മുഖ്യമന്ത്രി പറഞ്ഞതായി മനോരമ ന്യൂസ് റിപ്പോർട്ട് ചെയ്തു. എതിര്പ്പുകളെ മറികടക്കാനാവുമെന്നും ഇവിടെ ഒന്നും നടക്കില്ല എന്നതുമാറി പലതും നടക്കുമെന്ന നിലയായെന്നും മുഖ്യമന്ത്രി പറഞ്ഞു.
Also Read :
കേരളത്തില് ഇപ്പോള് പദ്ധതികള് നടപ്പിലാവും എന്ന സ്ഥിതി വന്നിട്ടുണ്ടെന്നും കേരള അഡ്മിനിസ്ട്രേറ്റീവ് സർവീസിന്റെ ഔപചാരികമായ ഉദ്ഘാടനം നിർവഹിക്കവെ മുഖ്യമന്ത്രി പിണറായി വിജയൻ പറഞ്ഞു. ഇത്തരം പദ്ധതികളുടെ ഗുണഫലം അനുകൂലിക്കുന്നവര്ക്ക് മാത്രമല്ല പദ്ധതിയെ എതിര്ക്കുന്നവര്ക്കും ലഭ്യമാകുമെന്നതാണ് പ്രത്യേകത.
കെ എ എസ് നടപ്പിലാക്കുക എന്നത് കേരള സംസ്ഥാന രൂപീകരണം മുതല് നാം ആഗ്രഹിക്കുന്നതാണ്. പല സര്ക്കാരുകളും ശ്രമിച്ചു. പലരും ഇതൊരിക്കലും സംഭവിക്കില്ലെന്ന് കരുതി. ജനങ്ങളുടെ പിന്തുണ ഈ സര്ക്കാരിനുണ്ടായിരുന്നെന്നും മുഖ്യമന്ത്രി പറഞ്ഞു. കെ എ എസ് നടപ്പിലാക്കിയതില് പി എസ് സി അഭിനന്ദനം അര്ഹിക്കുന്നെന്നും പിണറായി വിജയൻ കൂട്ടിച്ചേർത്തു.
Also Read :
കെ എ എസ് പ്രായോഗികമാക്കാന് ശ്രമിച്ചപ്പോള് ചില എതിര്പ്പുകളുണ്ടാിയി. ആദ്യം എതിര്ത്തവര് പലരും പിന്നീട് പിന്തുണക്കാന് തയ്യാറായി. ഇത്തരത്തിലുള്ള എതിര്പ്പുകള് കാരണം പല പദ്ധതികളും നടപ്പിലാക്കാന് കഴിയാതെ വന്നപ്പോള് കേരളത്തില് ഇതൊന്നും നടക്കില്ല എന്നായിരുന്നു പലരും കരുതിയുന്നത്. എന്നാല് സ്ഥിതി മാറി കാര്യങ്ങള് നടക്കുമെന്ന സ്ഥിതി വന്നെന്നും മുഖ്യമന്ത്രി പറഞ്ഞു.
