പ്രതികൾക്ക് പുറത്ത് നിന്നും സഹായം ലഭിച്ചു. മൊബൈൽ ഫോൺ ഒഴിവാക്കി പ്രതികൾ സഞ്ചരിക്കുന്നത് അന്വേഷണത്തിന് വെല്ലുവിളിയാകുന്നുണ്ട്. ക്രമസമാധാനനില തകരാതിരിക്കാനാണ് വ്യാപക പരിശോധനകൾ നടത്തുന്നത്. ഗൂഢാലോചന സംബന്ധിച്ച വിവരങ്ങൾ പുറത്തുവിടാൻ കഴിയില്ല. ക്രമസമാധാനം ഉറപ്പുവരുത്താനാണ് പ്രഥമ പരിഗണനയെന്നും എഡിജിപി പറഞ്ഞു.
ബിജെപി നേതാവും ഒബിസി മോർച്ച സംസ്ഥാന സെക്രട്ടറിയുമായ രഞ്ജിത്ത് ശ്രീനിവാസൻ്റെ കൊലപാതകവുമായി ബന്ധപ്പെട്ട് അഞ്ച് എസ്ഡിപി ഐ പ്രവർത്തകരെയും എസ്ഡിപിഐ സംസ്ഥാന സെക്രട്ടറി കെ എസ് ഷാനിൻ്റെ കൊലപാതകവുമായി ബന്ധപ്പെട്ട് രണ്ട് ബിജെപി പ്രവർത്തകരെയുമാണ് ഇതുവരെ അറസ്റ്റ് ചെയ്തിരിക്കുന്നത്. കൊലപാതകം ആസൂത്രണം ചെയ്യുകയും സഹായം നൽകുകയും ചെയ്തവാണ് ഇവർ.
12 മണിക്കൂറിനിടെ ആലപ്പുഴ ജില്ലയിൽ രണ്ട് രാഷ്ട്രീയ കൊലപാതകങ്ങളാണ് നടന്നത്. സംഭവത്തിൽ ഇരുവിഭാഗങ്ങളിലുമായി അമ്പതോളം പേർ ആദ്യ ഘട്ടത്തിൽ കസ്റ്റഡിയിലായി. എസ്ഡിപിഐ സംസ്ഥാന സെക്രട്ടറിയുടെ കൊലയ്ക്ക് പിന്നാലെയാണ് ഒബിസി മോര്‍ച്ച സംസ്ഥാന സെക്രട്ടറി രഞ്ജിത് ശ്രീനിവാസൻ കൊല്ലപ്പെട്ടത്. ആലപ്പുഴ വെള്ളക്കിണറിലെ വീട്ടിൽ വെച്ചാണ് കൊലപാതകം. പുലർച്ചെ പ്രഭാത സവാരിക്ക് തയ്യാറെടുക്കുന്നതിനിടെ അക്രമി സംഘം വീട്ടിൽ കയറി രഞ്ജിത്തിനെ ആക്രമിക്കുകയായിരുന്നു. ആലപ്പുഴ നിയോജകമണ്ഡലത്തിലേക്ക് മത്സരിച്ച നേതാവാണ് കൊല്ലപ്പെട്ട രഞ്ജിത് ശ്രീനിവാസന്‍.
