പെൺകുട്ടി മരിച്ച് മണിക്കൂറുകൾക്കകമാണ് ഓൺലൈൻ പോർട്ടലായ കർമ്മ ന്യൂസ് കൊലപാതകത്തിന് ന്യായമായ കാരണമുണ്ടെന്ന് പറഞ്ഞ്, പെണ്കുട്ടിയെയും കുടുംബത്തെയും അപകീര്ത്തിപ്പെടുത്തിയത്. പ്രണയബന്ധത്തിൽ നിനന് പിന്മാറി ഇയാളെ ചതിച്ചതിന്റെ സ്വഭാവിക പ്രതികരണമായിരുന്നു കൊലപതാകമെന്നാണ് റിപ്പോർട്ടെന്നും സിപിഎം ജില്ലാ സെക്രട്ടറിയേറ്റ് പറഞ്ഞു.
Also Read :
കൊല നടക്കുന്നതിന് മുമ്പ് പെണ്കുട്ടിയുടെ രക്ഷിതാക്കളെ ഫോണ് ചെയ്തു റെക്കോര്ഡ് ചെയ്ത വോയ്സ് ക്ലിപ്പുകള് ഉപയോഗിച്ചാണ് ഇത്തരമൊരു വാർത്ത വളരെ ആസൂത്രിതമായി പടച്ചുണ്ടാക്കിയത്. പ്രണയം നിരസിച്ചതിന്റെ പേരില് പെണ്കുട്ടിയെ ഇല്ലാതാക്കാനുള്ള നന്ദുവിന്റെ തീരുമാനത്തിലും കൊലപാതക ആസൂത്രണത്തിലും ആര് എസ് എസുമായി ബന്ധപ്പെട്ടവര് അവനെ സഹായിച്ചിരുന്നുവെന്നതിന്റെ സൂചനകള് പലതും ഇപ്പോള് പുറത്തുവന്നിട്ടുണ്ടെന്നും സിപിഎം ജില്ലാ സെക്രട്ടറിയേറ്റ് പറഞ്ഞു.
Also Read :
“കൊല നടന്ന് നിമിഷങ്ങള്ക്കകം അവിടെയെത്തിയ ആര്എസ്എസുകാര് അവനെ ചതിച്ചത് കൊണ്ടാണ് പെണ്കുട്ടി കൊലചെയ്യപ്പെട്ടതെന്ന് നാട്ടുകാരോടും മാധ്യമങ്ങളോടും വിശദീകരിക്കാന് കാണിച്ച ഉത്സാഹവും സംശയം ജനിപ്പിക്കുന്നതാണ്. കര്മ്മ ന്യൂസിന്റെ പ്രചരണവും ആര് എസ് എസ് പ്രവര്ത്തകരുടെ കൊലയെ ന്യായീകരിക്കുന്ന വിശദീകരണങ്ങളും സംഘപരിവാര് സഹായം ആര് എസ് എസുകാരനായ നന്ദുവിന് ഈ ക്രൂരമായ കൊല നടത്തുന്നതിന് ലഭിച്ചിട്ടുണ്ടെന്നാണ് സംശയിപ്പിക്കുന്നത്. ഇത്തരം പ്രചരണം നടത്തിയവരെ കൂടി അന്വേഷണത്തിന്റെ പരിധിയില് കൊണ്ടുവന്ന് ചോദ്യം ചെയ്യണം” സിപിഎം ജില്ലാ സെക്രട്ടറിയേറ്റ് പ്രസ്താവനയിലൂടെ ആവശ്യപ്പെട്ടു.
