കൊച്ചി : ജൂവൽ മേരി നായികയായി നവാഗത സംവിധായകൻ രാജീവ് രാജേന്ദ്രൻ സംവിധാനം ചെയ്യുന്ന ‘ക്ഷണികം’ എന്ന മലയാള ചലച്ചിത്രം കേരളത്തിലും , തമിഴ്നാട്ടിലുമായി ചിത്രീകരണം പൂർത്തിയായിയി. യഥാർത്ഥ സംഭവത്തെ ആസ്പദമാക്കി ദീപ്തി നായർ കഥയും തിരക്കഥയും എഴുതിയിരിക്കുന്ന
ചിത്രത്തിൽ കേന്ദ്രകഥാപാത്രത്തെ ജൂവൽ മേരി അവതരിപ്പിക്കുമ്പോൾ പുതുമുഖ നടനായ രൂപേഷ് രാജ് നായക കഥാപാത്രമാകുന്നു.
നന്ദലാൽ കൃഷ്ണമൂർത്തി, മീര നായർ,സ്മിത അമ്പു , അമ്പൂട്ടി , രോഹിത്ത് നായർ ,ഹരിശങ്കർ, ഓസ്റ്റിൻ എന്നിവരും കഥാപാത്രങ്ങളാകുന്നു. കെ എസ് ചിത്രയും, കെ എസ് ഹരിശങ്കറും ഓരോ പാട്ടുകൾ പാടിയിരിക്കുന്ന ചിത്രത്തിൻ്റെ സംഗീത സംവിധാനം ഡോക്ടർ വി ടി സുനിലും ,വരികൾ എഴുതിയിരിക്കുന്നത് ഡോക്ടർ ഷീജ വക്കം.
സോങ് മിക്സ് ഹരി കൃഷ്ണനും, സോങ് മാസ്റ്ററിങ് ഇന്ത്യയിലെ തന്നെ പ്രമുഖനായ ശദാബ് റയീൻ മുംബൈയുമാണ്. പശ്ചാത്തല സംഗീതം ഒരുക്കുന്നത് സാംസൺ സിൽവയും. ക്യാമറ ചലിപ്പിച്ചിരിക്കുന്നത് അരവിന്ദ് ഉണ്ണി ആണ്. വില്ലൻ എന്ന സിനിമയ് ക്ക് ശേഷം 8 കെ റൗ യിൽ കേരളത്തിൽ ഷൂട്ട് ചെയ്തിരിക്കുന്ന രണ്ടാമത്തെ സിനിമ എന്ന സവിശേഷതയും ഈ ചിത്രത്തിനുണ്ട്. വസ്ത്രാലങ്കാരം ദിവ്യ ഷിന്റോ & മീനാക്ഷി ഡിസൈൻസ് .സ്റ്റിൽസ് റാം ആർ നായർ & വിഷ്ണു മോഹൻ, എഡിറ്റർ രാകേഷ് അശോക. ലൈൻ പ്രൊഡ്യൂസർ അഭിലാഷ് ശ്രീകുമാരൻ നായർ . ആർ പ്രൊഡക്ഷൻസ് ഫിലിമി നിർമ്മിക്കുന്ന ക്ഷണികം 2022 ജനുവരി ആദ്യവാരത്തിൽ റിലീസ് ചെയ്യുന്നു. പി ആർ ഓ എം കെ ഷെജിൻ ആലപ്പുഴ.
