രണ്ട് ഡോസ് വാക്സിനെടുത്തു, എന്നിട്ടും തടഞ്ഞു; വിമാനക്കമ്പനിക്കെതിരെ മന്ത്രി ആന്‍റണി രാജു

ചെന്നൈ: രണ്ട് ഡോസ് വാക്സിനെടുത്തിട്ടും ആർടിപിസിആർ പരിശോധനയുടെ പേരിൽ തനിക്കും കുടുംബത്തിനും ചെന്നൈ വിമാനത്താവളത്തിൽ ബുദ്ധിമുട്ട് നേരിടേണ്ടി വന്നെന്ന് മന്ത്രി . മണിക്കൂറുകൾക്ക് ശേഷം കേരളത്തിലെയും തമിഴ്നാട്ടിലെയും ഉന്നത സർക്കാർ പ്രതിനിധികൾ ഇടപെട്ടാണ് പ്രശ്നം പരിഹരിച്ചതെന്നും മന്ത്രിയെ ഉദ്ധരിച്ച് മലയാള മനോരമ റിപ്പോർട്ട് ചെയ്തു.

പോർട്ട് ബ്ലെയറിലേക്ക് പോകാൻ പുലർച്ചെ അഞ്ച് മണിയോടെ വിമാനത്താവളത്തിലെത്തിയപ്പോഴാണ് സംഭവം. പോർട്ട് ബ്ലെയർ യാത്രയ്ക്കു 2 ഡോസ് വാക്സിൻ എടുത്ത രേഖകൾ മതിയെന്നിരിക്കെ ഈ രേഖകൾ ഉണ്ടായിട്ടും ആർടിപിസിആർ നെഗറ്റീവ് സർട്ടിഫിക്കറ്റ് വേണമെന്നു നിർബന്ധം പിടിച്ചെന്നാണ് മന്ത്രി പറയുന്നത്.

Also Read :
സ്പൈസ് ജെറ്റ് അധികൃതർക്കെതിരെയാണ് മന്ത്രിയുടെ ആരോപണം. കമ്പനിക്കെതിരെ എയർപോർട്ട് അതോറിറ്റി ഓഫ് ഇന്ത്യയ്ക്ക് പരാതി നൽകുമെന്ന് ആന്‍റണി രാജു പറഞ്ഞു.

ആർടിപിസിആർ നെഗറ്റീവ് സർട്ടിഫിക്കറ്റ് വേണമെന്ന് വിമാനക്കമ്പനി നിർബന്ധം പിടിച്ചതോടെ മന്ത്രിയും കുടുംബവും പരിശോധനയ്ക്കായി രാജ്യാന്തര ടെർമിനലിലേക്ക് പോയി. എന്നാൽ നോർക്ക റൂട്സ് അധികൃതരും തമിഴ്നാട് സർക്കാർ പ്രതിനിധികളും ഇടപെട്ട് ആശയക്കുഴപ്പം നീക്കി. ഇതോടെ ബോർഡിങ്ങിന് ശ്രമിച്ചപ്പോൾ വിമാനക്കമ്പനി പ്രതിനിധികൾ വീണ്ടും തടസ്സവുമായി എത്തുകയായിരുന്നു.

Also Read :
പിന്നീട് ഉയർന്ന ഉദ്യോഗസ്ഥർ എത്തിയാണ് യാത്രയ്ക്ക് അവസരമൊരുക്കിയതെന്നാണ് ആന്‍റണി രാജു പറയുന്നത്. വിമാനക്കമ്പനി കാണിച്ചത് അനാവശ്യ പിടിവാശിയാണെന്നും. എന്തിനാണ് ഇത്തരത്തിൽ ആശയക്കുഴപ്പം സൃഷ്ടിച്ചതെന്നും മന്ത്രി ചോദിക്കുന്നു. അതേസമയം സംഭവത്തിൽ ചെന്നൈ വിമാനത്താവള അധികൃതർ ആഭ്യന്തര അന്വേഷണം പ്രഖ്യാപിച്ചിട്ടുണ്ട്.