ലഭിച്ച ഒരു യുവാവ് അതിൽ നിന്നും ലഭിച്ച കുറിപ്പും പണവും ഭക്ഷണം വിതരണം ചെയ്ത നേതാക്കളെ കാണിച്ചതോടെയാണ് വൈറലായ കത്ത് ശ്രദ്ധിക്കപ്പെടുന്നത്. ഇന്ന് മകളുടെ പിറന്നാൾ ദിവസമാണെന്നും നിങ്ങളുടെ പ്രാ‍ർഥനയിൽ ഞങ്ങളെയും ഉൾപ്പെടുത്തണമെന്നും പറഞ്ഞുള്ള കത്തിൽ രോഗിയ്ക്ക് മരുന്ന് വാങ്ങാനുള്ള പണവും ഉൾപ്പെടുത്തിയിട്ടുണ്ടായിരുന്നു.
Also Read :
ഒപ്പമുള്ള പണം കൊണ്ട് ഒരു നേരത്തേ മരുന്ന് വാങ്ങാൻ കഴിയുമെങ്കിൽ നന്നായിരുന്നുവെന്നാണ് കത്തിൽ പറയുന്നത്. ഡിവൈഎഫ്ഐ നേതാക്കൾ സോഷ്യൽ മീഡിയയിലൂടെ പങ്കുവെച്ച കുറിപ്പ് ഇതിനോടകം തന്നെ വൈറലായിട്ടുണ്ട്. ഈ കത്തെഴുതിയത് ആരാണെന്ന് ഇതുവരെ വ്യക്തമായിട്ടില്ല. കുട്ടിയ്ക്ക് പിറന്നാൾ ആശംസകൾ നേർന്ന് ഡിവൈഎഫ്ഐ സംസ്ഥാന സെക്രട്ടറി വികെ സനോജും കുറിപ്പ് പങ്കുവെച്ചിട്ടുണ്ട്.
കുറിപ്പിലെ വരികൾ
“അറിയപ്പെടാത്ത സഹോദര/ സഹോദരി ഒരു നേരത്തെ ഭക്ഷണം തരാന്‍ കഴിഞ്ഞതില്‍ എനിക്ക് സന്തോഷമുണ്ട്. നിങ്ങളുടെയോ ബന്ധുവിന്‍റെയോ അസുഖം പെട്ടന്ന് ഭേദമാവാന്‍ ഞങ്ങള്‍ പ്രാര്‍ത്ഥിക്കും. നിങ്ങളുടെ പ്രാര്‍ത്ഥനയില്‍ ഞങ്ങളെയും ഉള്‍പ്പെടുത്തണേ. ഈ തുക കൊണ്ട് നിങ്ങള്‍ക്ക് ഒരു നേരത്തെ മരുന്ന് വാങ്ങാന്‍ കഴിയുമെങ്കില്‍ നന്നായിരുന്നു. ഇന്നെന്‍റെ മകളുടെ പിറന്നാള്‍ ആണ്”
Also Read :
വികെ സനോജിന്‍റെ വാക്കുകൾ…
“കോഴിക്കോട് മെഡിക്കൽ കോളേജിലെ രോഗികൾക്കും കൂട്ടിരിപ്പുകാർക്കും ഉച്ചഭക്ഷണം വിതരണം ചെയ്യുന്ന, ഡിവൈഎഫ്ഐ കോഴിക്കോട് ജില്ലാ കമ്മിറ്റിയുടെ ‘ഹൃദയപൂര്‍വ്വം’ പരിപാടിയുടെ ഭാഗമായി ഇന്ന് ഓർക്കാട്ടേരി മേഖലാ കമ്മിറ്റി പൊതിച്ചോർ വിതരണം ചെയ്തു. തിരിച്ചു വരാൻ നേരം…ഞങ്ങളുടെ അടുത്ത് നിന്നും പൊതിച്ചോർ വാങ്ങിയ ഒരു യുവാവ് അദ്ദേഹത്തിന് കിട്ടിയ പൊതിച്ചോറിനോടൊപ്പം ലഭിച്ച കത്തും പൈസയും ഞങ്ങൾക്ക് കാണിച്ചു തന്നു….. ആരെയും അറിയിക്കാതെ മറ്റുള്ളവരെ സഹായിക്കാൻ മനസുള്ള പേര് അറിയാത്ത ആ മനുഷ്യനെ ഹൃദയത്തോട് ചേർത്ത് അഭിവാദ്യം ചെയ്യുന്നു…
അദ്ദേഹത്തിന്‍റെ പ്രിയ മകൾക്ക് ഒരായിരം പിറന്നാൾ ആശംസകൾ”
