പൂക്കോട്ടുംപാടം> വിദേശത്തേക്ക് കടക്കാൻ ശ്രമിക്കുന്നതിനിടെ പോക്സോ കേസ് പ്രതി പൂക്കോട്ടുംപാടം പൊലീസിന്റെ പിടിയിലായി. തിരുവനന്തപുരം അരുവിക്കര ഹാഷിം മുഹമ്മദ് അബൂബക്കറാണ് (53) പിടിയിലായത്. അഞ്ച് വിവാഹം കഴിച്ച മധ്യവയസ്ക്കൻ മകളെ പീഡിപ്പിച്ചെന്ന യുവതിയുടെ പരാതിയെ തുടർന്നാണ് അറസ്റ്റ്. പ്രതി വിദേശത്തേക്ക് കടക്കാൻ സാധ്യതയുയുണ്ടെന്ന് പൊലീസിന് ലഭിച്ച രഹസ്യ വിവരത്തെ തുടർന്ന് നെടുമ്പാശ്ശേരി എയർപോർട്ട് അധികൃതരുടെ സഹായത്തോടെയാണ് പിടികൂടിയത്.
എസ് ഐ കെ ബഷീർ, സീനിയർ സിവിൽ പൊലീസ് ഓഫീസർ കെ അബ്ദുൾ മുജീബ്, സിവിൽ പൊലീസ് ഓഫീസർ ജോൺ മാത്യു എന്നിവരടങ്ങിയ സംഘമാണ് പ്രതിയെ നെടുമ്പാശ്ശേരിയിലെത്തി പിടികൂടിയത്. മഞ്ചേരി കോടതിയിൽ ഹാജരാക്കിയ പ്രതിയെ പതിനാല് ദിവസത്തേക്ക് റിമാൻഡ് ചെയ്തു.
