സിറാജ് കാസിം
കൊച്ചി: പെരുമ്പാവൂർ പ്രസ്സ് ക്ലബ്ബിന്റെ പ്രഥമ പി. രമേഷ് സ്മാരക സംസ്ഥാനതല പത്രപ്രവർത്തക പുരസ്കാരം മാതൃഭൂമി കൊച്ചി യൂണിറ്റ് സീനിയർ റിപ്പോർട്ടർ സിറാജ് കാസിമിന്. മാതൃഭൂമി വാരാന്തപ്പതിപ്പിൽ പ്രസിദ്ധീകരിച്ച മരണത്തിന്റെ ഉത്തരവ് എന്ന സ്റ്റോറിയാണ് സിറാജ് കാസിമിനെ പുരസ്കാരത്തിനു അർഹമാക്കിയത്.
മലയാളം ദിനപ്പത്രങ്ങളിൽ പ്രസിദ്ധപ്പെടുത്തിയ മികച്ച ഹ്യൂമൻ ഇന്ററസ്റ്റിങ് സ്റ്റോറിക്കാണ് 10001 രൂപയും പ്രശസ്തിപത്രവും ഫലകവും അടങ്ങുന്ന പുരസ്കാരം ഏർപ്പെടുത്തിയിരുന്നത്. മാതൃഭൂമി ലേഖകനായിരുന്ന പി. രമേഷിന്റെ ഒന്നാം ചരമ വാർഷിക ദിനമായ വെള്ളിയാഴ്ച പെരുമ്പാവൂർ പ്രസ്സ് ക്ലബ്ബിൽ വെച്ചാണ് പുരസ്കാരം പ്രഖ്യാപിച്ചത്. പുരസ്കാര വിതരണം ഈ മാസം അവസാനം നടത്തുമെന്ന് പ്രസ്സ് ക്ലബ്ബ് ഭാരവാഹികൾ അറിയിച്ചു.
മരണത്തിന്റെ ഉത്തരവ് ലേഖനം വായിക്കാം
