കൊച്ചി: കൊച്ചിയിൽ നിന്ന് സ്കൂട്ടർ മോഷ്ടിച്ച് കടന്ന യുവാവ് മണിക്കൂറുകൾക്കകം അറസ്റ്റിലായി. അമ്പലമേട് കേബിൾ നെറ്റ് വർക്ക് ഓഫീസിന് മുന്നിൽ നിന്ന് സ്കൂട്ടറുമായി കടന്ന ചോറ്റാനിക്കര സ്വദേശി ജോബിയാണ് വണ്ടിയിലെ പെട്രോൾ തീർന്നതോടെ പെരുവഴിയിലാവുകയും പിന്നീട് അകത്താവുകയും ചെയ്തത്.
സ്കൂട്ടറിലെ പെട്രോൾ തീർന്ന് നടുറോഡിലായപ്പോഴാണ് ജോബിയെ കണ്ട് സംശയം തോന്നിയ നാട്ടുകാർ പോലീസിനെ വിളിക്കുന്നത്. എണ്ണ തീർന്നതോടെ പെട്രോളടിക്കാൻ കൈയ്യിൽ പണമില്ലാത്തതാണ് ജോബിയ്ക്ക് വിനയായത്.
Also Read :
ജോബി വാഹനവുമായി റോഡിൽ നിൽക്കുന്നത് കണ്ട നാട്ടുകാർക്ക്, ഇത് സോഷ്യൽ മീഡയയിൽ പ്രചരിച്ച മോഷണ ദൃശ്യത്തിലെ വ്യക്തി തന്നെയാണോ എന്ന സംശയം ഉയരുകയായിരുന്നു. തുടർന്ന് ഇവർ പോലീസിനെ വിവരം അറിയിക്കുകയും ചെയ്തു. പോലീസെത്തി ചോദ്യം ചെയ്തപ്പോഴാണ് നാട്ടുകാരുടെ സംശയം വെറുതെയായില്ലെന്ന് തെളിഞ്ഞത്.
Also Read :
ചോദ്യം ചെയ്യലിൽ ജോബി പോലീസിനോട് കുറ്റം സമ്മതിക്കുകയായിരുന്നു. തുടർന്ന് ഇയാളെ മജിസ്ട്രേറ്റിന് മുന്നിൽ ഹാജരാക്കി റിമാൻഡ് ചെയ്യുകയും ചെയ്തു.
