കൊച്ചി : മലയാളത്തിലെ സൂപ്പർ ഹിറ്റ് സംവിധായകനായ് വൈശാഖ് സംവിധാനം ചെയ്യുന്ന നൈറ്റ് ഡ്രൈവ് ട്രൈലെർ പുറത്തിറങ്ങി. റോഷൻ മാത്യു, ഇന്ദ്രജിത് സുകുമാരൻ, അന്ന ബെൻ എന്നിവരാണ് പ്രധാന വേഷങ്ങൾ ചെയ്യുന്നത്.
പോക്കിരി രാജ എന്ന മമ്മൂട്ടി- പൃഥ്വിരാജ് ചിത്രത്തിലൂടെ അരങ്ങേറ്റം കുറിച്ച വൈശാഖ് പിന്നീട് മോഹൻലാലിനെ നായകനാക്കി പുലി മുരുകൻ എന്ന ഇൻഡസ്ട്രി ഹിറ്റ് ചിത്രവും മലയാള സിനിമയ്ക്കു സമ്മാനിച്ചു. സീനിയേഴ്സ്, മല്ലു സിങ്, വിശുദ്ധൻ, കസിൻസ്, സൗണ്ട് തോമ, മധുര രാജ എന്നിവയും വൈശാഖ് ഒരുക്കിയ ചിത്രങ്ങളാണ്.
പ്രിയ വേണു, നീറ്റാ പിന്റോ എന്നിവരാണ് നിർമ്മാണം. അഭിലാഷ് പിള്ളയാണ് നൈറ്റ് ഡ്രൈവിൻ്റെ രചയിതാവ്.
എം പദ്മകുമാർ ഒരുക്കുന്ന പത്താം വളവ്, തമിഴ് ചിത്രം കടാവർ എന്നിവയുടെ തിരക്കഥ രചിച്ചിരിക്കുന്നതും അഭിലാഷ് പിള്ളയാണ്. ഷാജി കുമാർ കാമറയും എഡിറ്റിംഗ് സുനിൽ എസ് പിള്ളയും സംഗീതമൊരുക്കിയത്, ജോസഫ്, കാവൽ, കാണേക്കാണേ എന്നീ ചിത്രങ്ങളിലൂടെ ശ്രദ്ധേയനായ രെഞ്ജിൻ രാജുമാണ്. കുറുപ്പിലെ ഗംഭീര പ്രകടനത്തിന് ശേഷം ഇന്ദ്രജിത് സുകുമാരനും മികച്ച വേഷവുമായിട്ടെത്തുന്ന ചിത്രമാണ് നൈറ്റ് ഡ്രൈവ്.
