“റഹീമേ ആദ്യം താങ്കൾ ചെയ്യേണ്ടത് മതം നോക്കി മുസ്ലീം ചെറുപ്പക്കാർക്ക് എതിരെ തീവ്രവാദം ബന്ധം പറഞ്ഞ് കേസ്സെടുക്കുന്ന പിണറായിയെ ആദ്യം തിരുത്താൻ നോക്ക്. പിന്നെ തലശ്ശേരിയിൽ പള്ളി പൊളിക്കും എന്ന് പരസ്യമായി മുദ്രാവാക്യം വിളിച്ച
ആർഎസ്എസ് തീവ്രവാദിക്കൾക്ക് എതിരെ യുഎപിഎ ചുമത്തി കേസ്സ് എടുക്കാൻ പറ തമ്പ്രാനോട്? അലനും താഹയ്ക്കും നേരെ ചുമത്തിയ യുഎപിഎ വകുപ്പ് എന്ത് കൊണ്ട് വർഗീയ കലാപാത്തിന് ആഹ്വാനം ചെയ്ത ആർഎസ്എസുകാർക്കെതിരെ ചുമത്തുന്നില്ല? ചുവപ്പണിഞ്ഞ കാവി സർക്കാർ ആണ് കേരളം ഭരിക്കുന്നത്. എന്നിട്ട് രാഹുൽ ഗാന്ധിക്ക് എതിരെ പറ.”
“എന്താണ് രാഹുൽ ഗാന്ധി ഇന്നലെ ജയ്പൂരിൽ പ്രസംഗിച്ചത്. സംഘപരിവാർ എന്ന് പറയുന്ന ഹിന്ദു തീവ്രവാദികളിൽ നിന്ന് ഇന്ത്യയെ മോചിക്കാനാണ് രാഹുൽ ഗാന്ധി പ്രസംഗിച്ചത്. പിന്നെ ഹിന്ദു എന്ന പദം ഒരു സംസ്കാരമാണ് മതമല്ല. ആർഎസ്എസ് അല്ലാത്ത എല്ലാവരും ഉണ്ട്. അതിൽ മുസ്ലീം ഉണ്ട്, ക്രിസ്ത്യനുണ്ട്, ജൈന, ബുദ്ധ, സിഖ് പാരമ്പര്യമുണ്ട്. വന്നു ചേർന്നതായ എല്ലാ സംസ്ക്കാരമുണ്ട്, പങ്കുവെച്ച ആശങ്ങൾ ഉണ്ട്. അതാണ് രാഹുൽ ഗാന്ധി ഉദ്ദേശിച്ച ഹിന്ദു.”
“അവിടെയാണ് കേരളത്തിൽ വർഗീയത ഉണ്ടാക്കാൻ നെറികെട്ട പ്രചാര വേലയുമായി താങ്കളും താങ്കളുടെ പ്രസ്ഥാനവും വരുന്നത്.
പിന്നെ സങ്കികൾ വെല്ലു വിളിച്ചപ്പോൾ ജില്ലകൾ നോക്കി പന്നി ഫെസ്റ്റും ബീഫ് ഫെസ്റ്റും നടത്തിയ ടീംസ് രാഹുൽ ഗാന്ധിയെയും കോൺഗ്രസ്സിനെയും ആർഎസ്എസ് വിരുദ്ധത പഠിപ്പിക്കണ്ട.” റിജിൽ മാക്കുറ്റി ഫേസ്ബുക്ക് പോസ്റ്റിൽ പറഞ്ഞു.
അതേസമയം നെഹ്‌റുവിനെ ‘മറയ്ക്കാനാണ്’ ബിജെപി സർക്കാർ ശ്രമിക്കുന്നത്. കോൺഗ്രസ്സ് നെഹ്‌റുവിനെ ‘മറക്കാനും’. നെഹ്രുവും ഗാന്ധിയും വിഭാവനം ചെയ്ത മതനിരപേക്ഷ ഇന്ത്യയല്ല രാഹുലിന്റെ കോൺഗ്രസ്സ് മുന്നോട്ട് വയ്ക്കുന്നത് എന്ന് വ്യക്തം. തീവ്ര ഹിന്ദുത്വ വർഗ്ഗീയ പരീക്ഷണശാലയായി രാജ്യം മാറിയിരിക്കുന്നുവെന്ന് ഫേസ്ബുക്ക് പോസ്റ്റിൽ പറഞ്ഞു.
അപകടകരമായ വർത്തമാന കാലത്ത് കോൺഗ്രസ്സ് ആഹ്വാനം ചെയ്യുന്നത്, വ്യാജഹിന്ദുക്കളെ മാറ്റി,യഥാർത്ഥ ഹിന്ദുക്കൾ അധികാരത്തിൽ വരണമെന്നാണ്. രാഹുൽ ഗാന്ധി കഴിഞ്ഞ ദിവസം നടത്തിയ പ്രസ്താവനയ്ക്കെതിരെയായിരുന്നു റഹീമിന്റെ പ്രതികരണം.
ഇന്ത്യയിൽ ഹിന്ദുവും ഹിന്ദുത്വവാദികളും തമ്മിൽ മത്സരം നടക്കുകയാണ്. ഹിന്ദുത്വവാദികളെ പുറത്താക്കി ഹിന്ദുക്കൾ അധികാരത്തിൽ വരണം. അധികാരത്തിനു വേണ്ടിയുള്ള അന്വേഷണമാണ് ഹിന്ദുത്വവാദികൾ നടത്തുന്നത്. എന്നാൽ ഹിന്ദുക്കൾ സത്യം അന്വേഷിക്കുന്നവരാണ്. ആരാണ് ഹിന്ദു? എല്ലാ മതങ്ങളേയും ബഹുമാനിക്കുന്ന മറ്റാരെയും ഭയക്കാത്ത ഒരാൾ. അധികാരത്തിലിരിക്കുന്നവർ യഥാർത്ഥ ഹിന്ദുക്കളല്ല. ഹിന്ദു രാജല്ല ഹിന്ദുത്വ രാജാണ് ഇന്ത്യയിൽ ഇപ്പോൾ നടക്കുന്നത്. ഈ ഹിന്ദുത്വവാദികളെ നീക്കിയ ശേഷം ഹിന്ദു രാജ് കൊണ്ടുവരണം- എന്നായിരുന്നു രാഹുൽ ഗാന്ധിയുടെ പ്രസ്താവന.
