ന്യൂഡൽഹി:സർവകലാശാലകളിലെ ചാൻസലർ പദവിഗവർണർ ഒഴിയുന്നുവെങ്കിൽ ഒഴിയട്ടെയെന്ന് എസ്എഫ്ഐ. ചാൻസലർ പദവി ഗവർണറിൽ നിന്ന് മുഖ്യമന്ത്രി ഏറ്റെടുക്കട്ടെയെന്ന് എസ്എഫ്ഐ അഖിലേന്ത്യാ പ്രസിഡന്റ് വി.പി. സാനു പറഞ്ഞു. ഗവർണർ തന്നെ ചാൻസലറായി ഇരിക്കണമെന്ന് ആർക്കാണ് നിർബന്ധമുള്ളതെന്ന് ചോദിച്ച സാനു അയ്യോ, അച്ഛാ പോകല്ലേ എന്ന് അദ്ദേഹത്തോട് പറയേണ്ടതില്ലെന്നും പറഞ്ഞു.
കേരളത്തിലെ ഇടതുപക്ഷ സർക്കാരിനെ അടിക്കാനുള്ള വടിയായി, ബിജെപിയുടേയും കോൺഗ്രസിന്റെയും കളിപ്പാവയായി ഗവർണർ മാറരുതെന്ന് സാനു ആവശ്യപ്പെട്ടു. ചാൻസലർ പദവി ഒഴിയുമെന്നാണ് അദ്ദേഹം പറയുന്നത്. അദ്ദേഹം ചാൻസലറായി ഇരിക്കണമെന്ന് ആർക്കാണ് നിർബന്ധമുള്ളത്. അദ്ദേഹം അല്ലെങ്കിൽ മറ്റൊരാൾ. അത് മുഖ്യമന്ത്രിയോ അല്ലെങ്കിൽ മറ്റൊരെങ്കിലുമോ എന്ന് നിയമസഭ തീരുമാനിക്കട്ടെയെന്നും സാനു പറഞ്ഞു.
ഗവർണർ തന്നെയായിരിക്കണം സംസ്ഥാനത്തെ യൂണിവേഴ്സിറ്റികളുടെ എല്ലാം ചാൻസലർ എന്ന് ഭരണഘടനയിൽ പറഞ്ഞിരിക്കുന്നതൊന്നുമല്ലല്ലോ? അത്തരത്തിലൊരു നിർദേശം എവിടെയുമില്ല. അതുകൊണ്ട് അദ്ദേഹം പോകുന്നുവെങ്കിൽ പോകട്ടെ. ഇത്തരത്തിൽ നിരന്തരമായി വിവാദമുണ്ടാക്കാനുള്ള ശ്രമമാണ് നടത്തുന്നത്. ഇങ്ങനെ ഗവർണറോട്അയ്യോ അച്ഛാ പോകല്ലെ എന്നുപറയേണ്ട കാര്യമില്ലെന്നും സാനു പറഞ്ഞു.
Content Highlights:V. P. Sanu against Arif Mohammad Khan
