അഞ്ചോളം യൂത്ത് യൂത്ത് കോൺഗ്രസ് പ്രവർത്തകരാണ് കരിങ്കൊടി പ്രതിഷേധവുമായെത്തിയത്. മുഖ്യമന്ത്രിയുടെ അകമ്പടിയായി പോലീസുണ്ടായിരുന്നെങ്കിലും വാഹനം നിർത്തുകയോ ആരെയും കസ്റ്റഡിയിലെടുക്കുകയോ ചെയ്തിട്ടില്ലെന്നാണ് വിവിധ മാധ്യമങ്ങൾ റിപ്പോർട്ട് ചെയ്യുന്നത്.
Also Read :
സിപിഎം കണ്ണൂർ ജില്ലാ സമ്മേളനത്തിൽ പങ്കെടുക്കുന്നതിനായി മുഖ്യമന്ത്രി കഴിഞ്ഞ മൂന്ന് ദിവസമായി ജില്ലയിലുണ്ടായിരുന്നു. ഇന്ന് എറണാകുളത്തേക്ക് മടങ്ങാൻ വിമാനത്താവളത്തിലേക്ക് പോകുന്നതിനിടെയാണ് പ്രതിഷേധം ഉണ്ടായത്. കണ്ണൂര് യൂണിവേഴ്സിറ്റി വൈസ് ചാൻസിലർ പുനര്നിയമനവുമായി ബന്ധപ്പെട്ടായിരുന്നു പ്രതിഷേധം.
സർവകലാശാലകളിലെ വൈസ് ചാൻസിലർ നിയമനങ്ങളുമായി ബന്ധപ്പെട്ട് ഗവർണർ ആരിഫ് മുഹമ്മദ് ഖാൻ പ്രകടിപ്പിച്ച ആശങ്കകൾക്ക് കഴിഞ്ഞദിവസം മുഖ്യമന്ത്രി മറുപടി നൽകിയിരുന്നു. ഉന്നത വിദ്യാഭ്യാസ മേഖലയുടെ ശാക്തീകരണമാണ് എൽഡിഎഫിന്റെ നയം. ഉന്നത വിദ്യാഭ്യാസ മേഖല ഇന്നുള്ളതിൽ നിന്നും കൂടുതൽ മുന്നോട്ടു പോകണമെന്നാണ് ലക്ഷ്യമെന്നും അദ്ദേഹം പറഞ്ഞിരുന്നു.
ഉന്നതവിദ്യാഭ്യാസ രംഗത്തെ പ്രശ്നങ്ങളെയും മേഖല മെച്ചപ്പെടുത്തേണ്ടതും സംബന്ധിച്ച് ഗവർണറും സര്ക്കാരും പൊതുവില് ഒരേ സമീപനമാണ് സ്വീകരിച്ചിട്ടുള്ളത് എന്ന് കാണാം. ഈ പൊതു സമീപനത്തിന്റെ അടിസ്ഥാനത്തില് ഇക്കാര്യങ്ങള് പ്രയോഗത്തില് കൊണ്ടുവരുമ്പോള് ചില വ്യത്യസ്ത അഭിപ്രായങ്ങള് ഉണ്ടാവാം. വ്യത്യസ്ത അഭിപ്രായങ്ങള് ഉയര്ന്നുവരുമ്പോള് ചര്ച്ച ചെയ്ത് പൊതുവായ യോജിപ്പില് എത്തുകയാണ് ചെയ്യുക. ഗവർണര് പല കാര്യങ്ങളിലും കത്തുകളിലൂടെയും നേരിട്ടും പലപ്പോഴും ആശയവിനിമയം നടത്താറുണ്ട്. അത് ഭരണതലത്തില് സ്വാഭാവികമായും ഉണ്ടാകുന്ന കാര്യങ്ങളാണെന്നും മുഖ്യമന്ത്രി പറഞ്ഞിരുന്നു.
24 മണിക്കൂര് പോലും സർവകലാശാല അധ്യാപന പരിചയമില്ലാത്ത വ്യക്തികളെ യൂണിവേഴ്സിറ്റിയുടെ തലപ്പത്ത് ഇരുത്തിയ ചിലര് ഇന്ന് ഈ മേഖലയുടെ ഗുണമേന്മയെ പറ്റി വല്ലാതെ വ്യാകുലപ്പെടുന്നത് വിരോധാഭാസമാണ്. ആളുകളുടെ പേരുകള് പറയുന്നത് മര്യാദയല്ല. എങ്കിലും കേരളത്തിലെ ഒരു സര്വ്വകലാശാലയുടെ വൈസ് ചാന്സിലറെ ആ പദവിക്ക് യോഗ്യനല്ലായെന്ന് കണ്ട് യു ഡി എഫ് സര്ക്കാരിന്റെ കാലത്ത് അന്ന് ഗവര്ണ്ണറായിരുന്ന ഷീലാദീക്ഷിത് നീക്കം ചെയ്ത സംഭവം ആളുകൾ മറന്നിട്ടുണ്ടാവില്ലെന്നും മുഖ്യമന്ത്രി പറഞ്ഞിരുന്നു.
