മൂന്നു പേരുടെ റിമാൻഡ് റിപ്പോർട്ടിലായിരുന്നു തീവ്രവാദ പരാമർശം ഉൾപ്പെടുത്തിയത്. ഡിഐജിയാണ് രണ്ട് ഉദ്യോഗസ്ഥരെയും സസ്പെൻഡ് ചെയ്തത്. സംഭവത്തിൽ മുനമ്പം ഡിവൈഎസ്പിയോട് അന്വേഷണം നടത്തി റിപ്പോർട്ട് സമർപ്പിക്കാനും ഡിഐജി ആവശ്യപ്പെട്ടിട്ടുണ്ട്.
Also Read :
മോഫിയ പര്‍വീണിന്‍റെ ആത്മഹത്യാക്കുറിപ്പില്‍ പേര് പരാമര്‍ശിക്കപ്പെട്ട സിഐക്കെതിരെ നടപടി ആവശ്യപ്പെട്ടായിരുന്നു കോണ്‍ഗ്രസ് പ്രവര്‍ത്തകര്‍ പോലീസ് സ്റ്റേഷന് മുന്നിൽ സമരം നടത്തിയത്. സമരത്തിനൊടുവില്‍ ആരോപണവിധേയനായ സിഐയെ സസ്പെന്‍ഡ് ചെയ്തിരുന്നു. എന്നാൽ ഈ സമരത്തിനെതിരെ രജിസ്റ്റർ ചെയ്ത കേസിലാണ് തീവ്രവാദ പരാമർശം ഉൾപ്പെട്ടത്.
Also Read :
ജലപീരങ്കിയുള്ള വാഹനത്തിന്‍റെ മുകളില്‍ കയറി ചിത്രങ്ങള്‍ പകര്‍ത്തിയെന്നും ഇത് പ്രചരിപ്പിച്ചത് തീവ്രവാദ ബന്ധത്തിന്‍റെ പേരിലാണോ എന്ന് അന്വേഷിക്കണമെന്നുമായിരുന്നു റിപ്പോർട്ടിൽ ആവശ്യപ്പെട്ടത്. ഇവരെ ജാമ്യത്തില്‍ വിട്ടാല്‍ കലാപങ്ങള്‍ക്ക് നേതൃത്വം കൊടുക്കാന്‍ സാധ്യതയുണ്ടെന്നും പരാമർശമുണ്ടായിരുന്നു. പൊതുമുതല്‍ നശിപ്പിച്ച കുറ്റത്തിന് അറസ്റ്റ് ചെയ്ത അൽ അമീൻ, അനസ്, നജീബ് എന്നിവരെ കസ്റ്റഡിയില്‍ ആവശ്യപ്പെട്ട് കോടതിയിൽ നല്‍കിയ റിപ്പോര്‍ട്ടിലാണ് വിവാദ പരാമര്‍ശങ്ങൾ. കേസിലെ 1,4,5 പ്രതികളാണി‍വർ.
