ഹിസാർ > ടിക്രി അതിർത്തിയിലെ കർഷക സമരകേന്ദ്രത്തിൽ നിന്ന് നാട്ടിലേക്ക് മടങ്ങവേ ഹരിയാനയിലെ ഹിസാറിലുണ്ടായ വാഹനാപകടത്തിൽ രണ്ട് കർഷകർ മരിച്ചു. പഞ്ചാബിലെ മുക്ത്സർ ജില്ലയിൽ നിന്നുള്ള 40 ഉം 34 ഉം പ്രായമുള്ള കർഷകരാണ് മരിച്ചത്.
ഒരാൾ സംഭവ സ്ഥലത്തും മറ്റൊരാൾ അശുപത്രിയിൽ ചികിത്സയിലിരിക്കെയുമാണ് മരിച്ചതെന്നും പൊലീസ് അറിയിച്ചു. ശനിയാഴ്ച സമരകേന്ദ്രത്തിൽ നിന്നും മടങ്ങുമ്പോൾ ഹിസാറിലെ ദണ്ഡൂർ ഗ്രാമത്തിന് സമീപം ഇവർ സഞ്ചരിച്ച ട്രാക്ടറിന് പിറകിൽ ട്രക്ക് ഇടിക്കുകയായിരുന്നു. അപകട സമയത്ത് ട്രാക്ടറിൽ അഞ്ച് കർഷകരാണ് ഉണ്ടായിരുന്നത്.
അപകടത്തിൽ മറ്റൊരു കർഷകന് ഗുരുതരമായി പരിക്കേറ്റതായി ഹിസാർ പൊലീസ് അറിയിച്ചു.
