വൈപ്പിന്> കൊച്ചിയില് യൂത്ത് കോണ്ഗ്രസ് നേതാവ് പോക്സോ കേസില് അറസ്റ്റില്. യൂത്ത് കോണ്ഗ്രസ് വൈപ്പിന് മണ്ഡലം ജനറല് സെക്രട്ടറി ജ്യോതിഷ് ആണ് പിടിയിലായത്. വിവാഹ വാഗ്ദാനം നല്കി പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ചുവെന്നാണ് കേസ്.
വെള്ളിയാഴ്ച വൈകിട്ടോടെയാണ് ജ്യോതിഷിന്റെ അറസ്റ്റ് രേഖപ്പെടുത്തിയത്.കോണ്ഗ്രസിന്റെ പ്രവര്ത്തനങ്ങളില് സജീവ പ്രവര്ത്തകനാണ് ജ്യോതിഷ്.
ജില്ലയിലെ മുതിര്ന്ന കോണ്ഗ്രസ് നേതാക്കളുമായി അടുത്ത ബന്ധമുണ്ട്. സംഭവശേഷം ഒളിവില് പോകാന് ശ്രമിച്ചെങ്കിലും പൊലീസ് ഉടന് പിടികൂടുകയായിരുന്നു. പ്രതിയെ കോടതിയില് ഹാജരാക്കി റിമാന്ഡ് ചെയ്തു.
