Also Read :
അതിന് പുറമെ, സിനിമയുടെ സംവിധായകന്‍ ലിജോ ജോസ് പെല്ലിശേരിക്കും നടൻ ജോജു ജോര്‍ജിനെതിരെ ഹൈക്കോടതി നോട്ടീസ് അയച്ചു. അതിന് പുറമെ, കേന്ദ്ര സെൻസര്‍ ബോര്‍ഡിനും നോട്ടീസ് നൽകിയിട്ടുണ്ട്. ചിത്രത്തിലെ ദൃശ്യങ്ങൾ പരിശോധിച്ച ശേഷം ജസ്റ്റിസ് എൻ. നഗരേഷാണ് ഇക്കാര്യം പറഞ്ഞത്.
ചുരുളി ഒടിടി പ്ലാറ്റ്ഫോമിൽ നിന്ന് പിൻവലിക്കണമെന്നാവശ്യപ്പെട്ട് തൃശൂർ സ്വദേശിനിയായ അഭിഭാഷകയുടെ ഹർജി പരിഗണിക്കവെയായിരുന്നു ഹൈക്കോടതിയുടെ വിമർശനം. അതേസമയം, ഹര്‍ജിയിൽ വിശദമായ വാദം കേള്‍ക്കുമെന്ന് ഹൈക്കോടതി അറിയിച്ചു. എന്നാൽ, ‘ചുരുളി’ സെൻസർ ചെയ്ത സിനിമയല്ല എന്ന് കേന്ദ്ര സെൻസർ ബോർഡ് കോടതിയെ അറിയിച്ചിട്ടുണ്ട്.
റിലീസിനു മുൻപ് തന്നെ ഏറെ മാധ്യമ ശ്രദ്ധ ആകർഷിച്ച ചിത്രമാണ് ചുരുളി. ചിത്രം ഒടിടിയിൽ റിലീസ് ചെയ്തപ്പോള്‍ മുതൽ സിനിമയിലെ തെറിവിളി പ്രയോഗങ്ങളെക്കുറിച്ച് സമ്മിശ്ര അഭിപ്രായങ്ങള്‍ ഉയര്‍ന്ന് വന്നിരുന്നു. കോൺഗ്രസ് നേതാക്കള്‍ ജോജുവിനെതിരെ കടുത്ത ഭാഷയിൽ വിമര്‍ശിക്കുകയും. ചിത്രം പിൻവലിക്കണമെന്ന് ആവശ്യപ്പെടുകയും ചെയ്തിരുന്നു. സോണി ലൈവിലൂടെയാണ് ചുരുളി പുറത്തുവന്നത്.
Also Read :
സിനിമയിലെ തെറിവിളി വിവാദമായതോടെ സിനിമ റിലീസ് ചെയ്യുന്നതിന് തലേദിവസമായ നവംബര്‍ 18ന് അനുയോജ്യമായ മാറ്റങ്ങളോടെ ചുരുളിയ്ക്ക് എ സര്‍ട്ടിഫിക്കറ്റ് നല്‍കിയിരുന്നുവെന്നും എന്നാല്‍ ആ പതിപ്പല്ല സോണി ലൈവിലൂടെ പ്രദര്‍ശിപ്പിച്ചു കൊണ്ടിരിക്കുന്നതെന്നും സെന്‍സര്‍ ബോര്‍ഡ് വ്യക്തമാക്കിയിരുന്നു. വിനോയ് തോമസിന്റെ ‘കളിഗെമിനാറിലെ കുറ്റവാളികള്‍’ എന്ന കഥയെ ആധാരമാക്കിയാണ് ചുരുളി ഒരുക്കിയിരിക്കുന്നത്. എഴുത്തുകാരനായ എസ് ഹരീഷാണ് തിരക്കഥ തയ്യാറാക്കിയിരുന്നത്.
