തെന്മല: ആര്യങ്കാവ് -റോസ്മല പാതയിലെ പാലത്തിന്റെ അപകടാവസ്ഥ ചിത്രീകരിക്കുന്നതിനിടെ മാധ്യമപ്രവർത്തകന്റെ മുന്നിലേക്ക് പുലി ചാടിയത് പരിഭ്രാന്തിക്ക് ഇടയാക്കി. തെന്മലയിലെ പ്രദേശിയ മാധ്യമപ്രവർത്തകൻ അജിയാണ് പുലിയുടെ മുന്നിൽ അകപ്പെട്ടത്.
കഴിഞ്ഞദിവസം രാവിലെ പതിനൊന്നോടെ റോസ്മല പാതയിൽ നാൽപ്പേഴ് ഭാഗത്ത് മഴവെള്ളപ്പാച്ചിലിൽ പാലത്തിന്റെ അടിഭാഗത്ത് കോൺക്രീറ്റ് ഒലിച്ചു പോയത് ചിത്രീകരിക്കുകയായിരുന്നു. ഈ സമയം പുലി പിന്നിലൂടെ ചാടി വരികയായിരുന്നു.
