Also Read :
വിവാദത്തെ തുടര്‍ന്ന് പരിപാടി ഉദ്ഘാടനം ചെയ്യാനിരുന്ന എംഎൽഎ പി ബാലചന്ദ്രൻ സ്ഥലത്തെത്തിയില്ല. തുടർന്ന്, മുഖ്യാതിഥിയായ കോര്‍പ്പറേഷന്‍ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ എന്‍ എ ഗോപകുമാര്‍ പരിപാടി ഉദ്ഘാടനം ചെയ്തു. ആശംസ അറിയിക്കാനെത്തിയ കൗണ്‍സിലര്‍ എ കെ സുരേഷാണ് ചടങ്ങിന്റെ അധ്യക്ഷനായത്.
സ്കൂളില്‍ നിന്നും മടങ്ങുന്നതിന് മുൻപ് പ്രിന്‍സിപ്പാളിനോട് പ്രോട്ടോക്കോള്‍ പ്രകാരം എംഎല്‍എയെക്കാള്‍ വലുത് താനാണെന്നും ഫ്‌ളക്സില്‍ ഫോട്ടോയുടെ വലുപ്പം കുറച്ചത് ശരിയായില്ലെന്നും പരാതിയായി ഉന്നയിച്ചിരുന്നു.
”ആരാണ് അധ്യക്ഷനെന്ന് തിരിച്ചറിയാത്ത അവസ്ഥ. പ്രോട്ടോക്കോള്‍ അനുസരിച്ച് ചിത്രം എങ്ങനെയാണ് വയ്‌ക്കേണ്ടതെന്ന് തന്നോട് ചോദിക്കാമായിരുന്നു. മേയറുടെ പദവി ഡെപ്യൂട്ടി സ്പീക്കര്‍ക്ക് തുല്യമാണ്. എംഎല്‍എയും എംപിയും തനിക്ക് താഴെയാണ്. ആ ബഹുമാനം നല്‍കിയില്ല. പ്രോട്ടോക്കോള്‍ ലംഘനമാണ് നടന്നത്. അധികാരം എന്തെന്നറിഞ്ഞാല്‍ ചോദിച്ചുവാങ്ങും. അതെന്റെ സ്വഭാവമാണ്. ഇതുസംബന്ധിച്ച് പ്രോട്ടോക്കോള്‍ ഓഫീസര്‍ക്കും വകുപ്പ് മേധാവികള്‍ക്കും കത്തെഴുതും” മേയര്‍ എം കെ വര്‍ഗ്ഗീസിനെ ഉദ്ധരിച്ച് മാധ്യമങ്ങള്‍ റിപ്പോര്‍ട്ട് ചെയ്യുന്നു.
Also Read :
ചിത്രം ചെറുതായതിനെ തുടർന്ന് വേദിയില്‍ കയറാന്‍ മേയർ കൂട്ടാക്കിയില്ല. ചടങ്ങിൽ പങ്കെടുക്കാൻ നൂറിലധികം ആളുകളാണ് എത്തിയിരുന്നത്. ഇതാദ്യമായല്ല ഇത്തരത്തിലുള്ള പ്രശ്നങ്ങളില്‍ മേയര്‍ വിവാദമാക്കിയിട്ടുള്ളത്. പോലീസ് ഉദ്യോഗസ്ഥര്‍ തനിക്ക് സല്യൂട്ട് നല്‍കാത്തത് പ്രോട്ടോക്കോള്‍ ലംഘനമാണെന്ന മേയര്‍ വര്‍ഗ്ഗീസിന്റെ പരാതി വിവാദമായിരുന്നു.
Also Read :
പ്രോട്ടോക്കോൾ പ്രകാരമുള്ള ബഹുമാനം പോലീസ് ഉദ്യോഗസ്ഥരിൽ നിന്നും ലഭ്യമാകുന്നില്ലെന്ന് വ്യക്തമാക്കിയാണ് തൃശൂർ കോർപറേഷൻ മേയർ സംസ്ഥാന പോലീസ് ഡിജിപിക്ക് കത്ത് നൽകിയത്. പ്രോട്ടോക്കോൾ പ്രകാരം ഗവർണർക്കും മുഖ്യമന്ത്രിക്കും ശേഷം മൂന്നാമതാണ് മേയറുടെ സ്ഥാനമെങ്കിലും തന്നെ കാണുമ്പോൾ പോലീസ് മുഖം തിരിക്കുകയാണെന്നും അന്ന് നൽകിയ പരാതിയിൽ പറഞ്ഞിരുന്നു.
