ന്യൂഡൽഹി
കഴിഞ്ഞ സാമ്പത്തികവർഷത്തെ ജിഎസ്ടി നഷ്ടപരിഹാര ഇനത്തിൽ കേന്ദ്ര സർക്കാർ സംസ്ഥാനങ്ങൾക്ക് നൽകാനുള്ളത് 37,134 കോടി രൂപ. കേരളത്തിന് 1484 കോടി രൂപയാണ് ഇനി കിട്ടാനുള്ളത്. ഏറ്റവും കൂടുതൽ തുക ലഭിക്കാനുള്ളത് മഹാരാഷ്ട്രയ്ക്ക്–- 6723 കോടി രൂപ. കർണാടകയ്ക്ക് 3528 കോടിയും തമിഴ്നാടിന് 2894 കോടിയും കേന്ദ്രം നൽകാനുണ്ടെന്ന് ധന സഹമന്ത്രി പങ്കജ് ചൗധുരി ലോക്സഭയെ അറിയിച്ചു.
2017–-18 മുതൽ 2019–-20 വരെയുള്ള നഷ്ടപരിഹാരം നൽകി. നഷ്ടപരിഹാരം നൽകുന്നതിനായി കഴിഞ്ഞ സാമ്പത്തികവർഷം 1.1 ലക്ഷം കോടി രൂപ കേന്ദ്രം വായ്പയെടുത്തെന്നും അറിയിച്ചു.
