2007ൽ ഈ ദിവസമാണ് നെപ്പോളിയൻ പിസ്സായുവോളയുടെ ഈ പാചക കല മാനവികതയുടെ സാംസ്കാരിക പൈതൃകത്തിന്റെ യുനെസ്കോയുടെ പ്രതിനിധി പട്ടികയിൽ സ്ഥാനം നേടിയത്. ഇതാണ് ഇന്ന് ഗൂഗിൾ ഡൂഡിലിൽ പിസ്സ ഇടം പിടിക്കാനുള്ള കാരണം.
ഓർഡർ അനുസരിച്ച് ഗെയിമിൽ പ്രദർശിപ്പിക്കുന്ന പിസ്സകൾ വിർച്വലായി മുറുകുകയാണ് ഗൂഗിൾ ഡൂഡിൽ പിസ്സ ഗെയിം. ചില പിസ്സകളിൽ ജനപ്രീയ പിസ്സ ടോപ്പിങ്ങുകളിൽ ചിലത് ഫീച്ചർ ചെയ്തിട്ടുണ്ട്. ഓർഡർ അനുസരിച്ച് ടോപ്പിംഗുകളും സ്ലൈസുകളുടെ എണ്ണം ശ്രദ്ധയോടെ മുറിക്കുക എന്നത് ആദ്യ ഘട്ടത്തിൽ എളുപ്പമാണെങ്കിലും ഓരോ ഘട്ടം കഴിയുമ്പോഴും സങ്കീർണമാണ്. ഏറ്റവും കൃത്യമായി സ്ലൈസ് ചെയ്യുമ്പോൾ 3 സ്റ്റാർ റേറ്റിംഗ് ലഭിക്കും.
ഗെയിമിലെ 11 പിസ്സകൾ
- മാർഗരിറ്റ പിസ്സ (ചീസ്, തക്കാളി, ബേസിൽ)
- പെപ്പറോണി പിസ്സ (ചീസ്, പെപ്പറോണി)
- വൈറ്റ് പിസ്സ (ചീസ്, വൈറ്റ് സോസ്, കൂൺ, ബ്രോക്കോളി)
- കാലാബ്രെസ പിസ്സ (ചീസ്, കാലാബ്രെസ, വട്ടത്തിൽ അറിഞ്ഞ സവാള, ബ്ലാക്ക് ഒലിവ്)
- – മൊസാറെല്ല പിസ്സ (ചീസ്, ഓറഗാനോ, ഗ്രീൻ ഒലീവ്)
- – ഹവായിയൻ പിസ്സ (ചീസ്, ഹാം, പൈനാപ്പിൾ)
- – മഗ്യാറോസ് പിസ്സ (ചീസ്, സലാമി, ബേക്കൺ, ഉള്ളി, മുളക്, കുരുമുളക്)
- – തെരിയാക്കി മയോന്നൈസ് പിസ്സ (ചീസ്, തെരിയാക്കി ചിക്കൻ, സീവീട്, മയോന്നൈസ്)
- – ടോം യം പിസ്സ (ചീസ്, ചെമ്മീൻ, കൂൺ, മുളക് കുരുമുളക്, നാരങ്ങ ഇലകൾ)
- – പനീർ ടിക്ക പിസ്സ (പനീർ, ക്യാപ്‌സിക്കം, ഉള്ളി, പപ്രിക്ക)
- – അനന്തമായ സാധ്യതകളുള്ള ഡെസേർട്ട് പിസ്സ
പിസ്സയുടെ ആരംഭം
ഈജിപ്ത് മുതൽ റോം വരെയുള്ള പുരാതന നാഗരികതകളിൽ ഫ്ലാറ്റ്ബ്രെഡ് എന്ന ആശയം നൂറ്റാണ്ടുകളായി നിലവിലുണ്ട്. എങ്കിലും തെക്കുപടിഞ്ഞാറൻ ഇറ്റാലിയൻ നഗരമായ നേപ്പിൾസ് 1700കളുടെ അവസാനത്തിലാണ് ഇന്ന് നാം രുചിക്കുന്ന വിധത്തിൽ പിസ്സ തയ്യാറാക്കാൻ ആരംഭിച്ചത്. ഇന്ന്, ഏകദേശം അഞ്ച് ബില്യൺ പിസ്സകൾ ലോകമെമ്പാടും ഓരോ വർഷവും ഉപയോഗിക്കപ്പെടുന്നു എന്നാണ് കണക്ക്. ഇതിൽ അമേരിക്കയിൽ മാത്രം സെക്കൻഡിൽ 350 സ്ലൈസുകൾ മുറിക്കുന്നുണ്ട് എന്നാണ് വിവരം.
