പുതിയ ഏഡിഷനിലുള്ള ഏത് വാഹനം ഇറങ്ങിയാലും അതിലൊന്ന് ഗുരുവായൂരപ്പന് കാണിക്കയായി തരുന്ന രീതി മഹീന്ദ്രയടക്കമുള്ള കമ്പനികൾക്കുണ്ട്. കുറച്ചു കാലങ്ങളായി ഈ രീതി പിന്തുടർന്ന് പോരുന്നുണ്ട്. ഗുരുവായൂരപ്പന് കാണിക്കയായി ഥാര്‍ ലഭിച്ചതിന് പിന്നാലെ സമൂഹമാധ്യമങ്ങൾ വ്യാപകമായ ട്രോളുകൾക്ക് മറുപടി പറയേണ്ടതില്ലെന്നും മോഹൻദാസ് വ്യക്തമാക്കി. സർവ്വവ്യാപിയായ ഗുരുവായൂരപ്പന് വാഹനം ആവശ്യമില്ലെന്നും അദ്ദേഹം പറഞ്ഞു.
സർവ്വവ്യാപിയായ ഗുരുവായൂരപ്പൻ എല്ലായിടത്തുമുണ്ടെന്നാണ് ട്രോളർമാർ പോലും പറയുന്നത്. ദേവസ്വത്തിൻ്റെ പഴയ വാഹനങ്ങൾ ലേലം ചെയ്ത് നൽകേണ്ടി വരുമ്പോൾ ഥാർ കൂടുതൽ ഉപയോഗിക്കാനാകുമെന്നും കെ പി മോഹൻദാസ് കൂട്ടിച്ചേർത്തു.
ചുവപ്പ് നിറത്തിലുള്ള ഥാറിൻ്റെ ഫോർ വീൽ ഡ്രൈവ് ഓപ്ഷനാണ് കഴിഞ്ഞ ദിവസം ഗുരുവായൂർ നടയ്ക്കൽ കാണിക്കയായി മഹീന്ദ്ര സമർപ്പിച്ചത്. 2020 ഒക്ടോബർ രണ്ടിന് വിപണിയിൽ എത്തിയ ഈ വാഹനം ഇന്ത്യയിൽ നിലവിൽ ഏറ്റവുമധികം വിൽപ്പനയുള്ള ഫോർ വീൽ ഡ്രൈവ് വാഹനമെന്ന വിശേഷം നേടിയിട്ടുണ്ട്. ഗ്ലോബർ എൻക്യാപ് ക്രാഷ് ടെസ്റ്റിൽ ഫോർ സ്റ്റാർ റേറ്റിങ് സ്വന്തമാക്കിയതോടെയാണ് സുരക്ഷിതമായ വാഹനമെന്ന അംഗീകാരം നേടിയിരുന്നു.
