Also Read:
അപകടം നടന്ന സ്ഥലവും ആ സ്ഥലത്തിന്റെ ഉടമസ്ഥന്‍ പീറ്റര്‍ നിക്കോളസിനെയും കുടുംബത്തെയും കണ്ടു നന്ദി പറയുകയും സമ്മാനങ്ങള്‍ നല്‍കുകയും ചെയ്തു. ഈ സമയത്താണ് കാഞ്ഞിരമറ്റം സ്വദേശി ആമിനയും അവിടെ എത്തിയത്.
കയ്യില്‍ സൂക്ഷിച്ച തുണ്ടുകടലാസില്‍ കുറിച്ചാണ് ആമിന തന്റെ പരാതി പറയാന്‍ യൂസഫലിയുടെ അടുത്തെത്തിയത്. അഞ്ച് ലക്ഷം രൂപ വായ്പയെടുത്തത് കാരണം ആമിനയുടെ വീട് ജപ്തി ഭീഷണിയിലാണ്. ഇതേതുടര്‍ന്ന്, ജപ്തി ഒഴിവാക്കാനുള്ള നടപടികള്‍ സ്വീകരിക്കാന്‍ ജീവനക്കാര്‍ക്ക് യൂസഫലി നിര്‍ദേശം നല്‍കി. ‘ജപ്തിയുണ്ടാകില്ല പോരേ’, ആമിനയോട് യൂസഫലി പറഞ്ഞു.
യൂസഫലി കാറിലേക്ക് കയറാന്‍ പോകുമ്പോഴായിരുന്നു ആമിന തന്റെ പരാതി പറയാന്‍ എത്തിയത്. ആമിനയുടെ കയ്യില്‍ ഉണ്ടായിരുന്ന കടലാസ് വാങ്ങിയ ശേഷം ‘ഞാന്‍ നോക്കാട്ടോ എന്റെ ആളുവരുംട്ടോ’ എന്ന് യൂസഫലി ആമിനയോട് പറഞ്ഞു. തുടര്‍ന്നും തന്റെ പരാതി പറഞ്ഞ ആമിനയോട് വേണ്ടത് ചെയ്യുമെന്നും ഏത് ബാങ്കാണ് ജപ്തി ചെയ്യാന്‍ പോകുന്നതെന്നും എത്ര രൂപയാണെന്നും യൂസഫലി ചോദിച്ചു. അഞ്ച് ലക്ഷമെന്ന് ആമിന പറഞ്ഞപ്പോള്‍, ‘ജപ്തി ചെയ്യൂല്ലട്ടോ, ഞാന്‍ വേണ്ടത് ചെയ്യാം ട്ടാ’, എന്ന് യൂസഫലി ഉറപ്പുകൊടുത്തു.
Also Read:
‘ഈ ബാങ്കില്‍ പോകുക, അന്വേഷിക്കുക, ജപ്തി പാടില്ല. കാശുകൊടുക്കുക ഡോക്യുമെന്റ് എടുത്ത് ഇവരുടെ കയ്യില്‍ കൊടുത്ത് എന്നെ അറിയിക്കുക’, യൂസഫലി തന്റെ സഹായികളോട് പറഞ്ഞു.
