ഇൻസ്റ്റാഗ്രാമിൽ പോസ്റ്റ് ചെയ്ത വിഡിയോയിൽ വിമാനത്താവളത്തിൽ തന്റെ അമ്മയെ കാത്തുനിൽക്കുന്ന അൻവർ ജിബാവിയാണ് ഫ്രെയ്മിൽ. കയ്യിൽ ഒരു വലിയ പൂച്ചെണ്ടും ‘വി മിസ്ഡ് യു’ (we missed you) എന്ന പ്ലക്കാർഡും പിടിച്ചാണ് ജിബാവി വിമാനത്താവളത്തിൽ അമ്മയെ വരവേൽക്കാൻ നിൽക്കുന്നത്. എയർപോർട്ടിൽ നിന്ന് അമ്മ പുറത്തിറങ്ങുന്നത് അൻവർ കാണുമ്പോൾ, ആവേശഭരിതനായി അമ്മയുടെ അടുത്തേക്ക് അൻവർ നടന്നു വരുന്നതും വിഡിയോയിൽ കാണാം.
എന്തൊരു സ്വീറ്റായ നിമിഷം എന്ന് വീഡിയോ കാണുന്നവർക്ക് ചോദിക്കാൻ സമയം കൊടുക്കുന്നതിന് മുൻപ് എയർപോർട്ടിന് പുറത്ത് വന്ന അമ്മ ധരിച്ചിരുന്ന ഒരു ചെരുപ്പ് ഊരികൈയ്യിലെടുക്കുന്നതും അൻവറിനെ തലങ്ങും വിലങ്ങും അടിക്കുന്നതും കാണാം. അമ്മയുടെ ചെരുപ്പ് പ്രയോഗത്തിൽ നിന്ന് രക്ഷപ്പെടാൻ അൻവർ ശ്രമിക്കുമ്പോൾ പൂക്കളും പ്ലക്കാർഡും തറയിൽ വീഴുന്നതും വിഡിയോയിലുണ്ട്.
“എന്റെ അമ്മ തിരിച്ചെത്തി!” എന്ന അടികുറിപ്പോടെ അൻവർ പോസ്റ്റ് ചെയ്തിരിക്കുന്ന വീഡിയോ നിമിഷനേരം കൊണ്ടാണ് വൈറലായത്. 6.1 ദശലക്ഷത്തിലധികം വ്യൂ ആണ് ഈ വീഡിയോ ഇൻസ്റ്റാഗ്രാമിൽ നേടിയത്. അമ്മ വളരെ നാച്ചുറലായി സ്നേഹം പ്രകടിപ്പിച്ചതാണ് എന്നാണ് ഒരാളുടെ കമാൻഡ്. “അടി കിട്ടിയപ്പോൾ ഒരു കാര്യം മനസ്സിലായില്ലേ? അമ്മ നിങ്ങളെയും വല്ലാതെ മിസ് ചെയ്തിരുന്നു”, മറ്റൊരാളുടെ കമന്റ്.
“15 വർഷം മുമ്പ് ഒരിക്കൽ നിങ്ങൾ നിങ്ങളുടെ മുറി വൃത്തിയാക്കിയില്ലെന്ന് അമ്മ ഇപ്പോഴാണ് ഓർത്തത്” എന്നാണ് ചെരുപ്പ് പ്രയോഗത്തെപ്പറ്റി ഒരാളുടെ കമന്റ്. “എന്തെങ്കിലും തെറ്റ് ചെയ്തതിന് ശേഷം നിങ്ങൾ വളരെ ഡീസെന്റായി പെരുമാറുമ്പോൾ, അത് നിങ്ങളുടെ അമ്മയ്ക്ക് കൃത്യമായി അറിയാം” എന്നാണ് മറ്റൊരാളുടെ കമന്റ്.
