Also Read :
പതിനഞ്ചുവയസിലെ പ്രതിരോധ കുത്തിവെയ്പ്പിനെത്തിയ കുട്ടികള്‍ക്കാണ് വാക്സീന്‍ മാറികുത്തിയത്. സംഭവത്തിൽ രക്ഷിതാക്കള്‍ പോലീസിൽ പരാതി നൽകി.
ആര്യനാട് സാമൂഹിക ആരോഗ്യ കേന്ദ്രത്തിൽ എത്തിയ കുട്ടികള്‍ക്ക് വാക്സിൻ എടുക്കേണ്ട സ്ഥലം മാറിയതാണ് കാരണമെന്നും റിപ്പോര്‍ട്ടുകളുണ്ട്. എടുക്കുന്ന സ്ഥലത്തേക്ക് പോയതിനെ തുടർന്ന് രണ്ടുപേർക്കും കൊവിഷീൽഡ് വാക്സിൻ കുത്തിവെക്കുകയായിരുന്നു. കുട്ടികൾ നിരീക്ഷണത്തിലാണുള്ളത്.
Also Read :
ഇവരുടെ സുഹൃത്തായ മറ്റൊരു വിദ്യാര്‍ത്ഥി പ്രതിരോധ കുത്തിവെപ്പ് എടുക്കാൻ എത്തിയപ്പോള്‍ പ്രതിരോധ കുത്തിവെയ്പ്പില്ലെന്ന് ആശുപത്രി അധികൃതര്‍ പറഞ്ഞു. എന്നാല്‍ തന്റെ രണ്ടു സഹപാഠികള്‍ക്ക് പ്രതിരോധ കുത്തിവെയ്പ് കിട്ടിയെന്ന് മൂന്നാമത്തെ വിദ്യാര്‍ഥി പറഞ്ഞു.
ഇതോടെയാണ് നേരത്തെ വന്ന രണ്ടു പേര്‍ കുട്ടികളായിരുന്നുവെന്നും കൊവിഷീല്‍ഡ് വാക്സീന്‍ കുത്തിവെച്ച അബദ്ധവും ആശുപത്രി അധികൃതര്‍ തിരിച്ചറിഞ്ഞത്. എന്നാല്‍ റജിസ്ട്രേഷന്‍ നടത്തി മാത്രം ആളുകള്‍ വാക്സിനേഷന്‍ റൂമില്‍ പ്രവേശിക്കുമ്പോള്‍ കുട്ടികള്‍ മറ്റൊരു വഴിയിലൂടെ വാക്സിനേഷന്‍ റൂമിലെത്തുകയായിരുന്നുവെന്നാണ് റിപ്പോര്‍ട്ട്. പതിനെട്ടു വയസുകഴിഞ്ഞവരാണെന്ന തെറ്റിധരിച്ച് നഴ്സ് കൊവിഡ് വാക്സീന്‍ നല്‍കുകയായിരുന്നു.
Also Read :
പ്രതിരോധ കുത്തിവെയ്പ്പെന്ന് ചോദിക്കാതെ കുട്ടികള്‍ വാക്സിനേഷന്‍ റൂമിലെത്തുകയായിരുന്നുവെന്ന് ആശുപത്രി അധികൃതര്‍ പറയുന്നു. അതേസമയം, രക്ഷിതാക്കള്‍ പൊലീസില്‍ പരാതി നല്‍കിയിട്ടുണ്ട്. കുട്ടികള്‍ ആശുപത്രിയില്‍ നിരക്ഷണത്തിലാണെന്നും ആരോഗ്യപ്രശ്നങ്ങള്‍ ഒന്നുമില്ലെന്നും ഡോക്ടര്‍മാര്‍ അറിയിച്ചിട്ടുണ്ട്.
