ബംഗാൾ ഉൾക്കടലിൽ ജവാദ് ചുഴലിക്കാറ്റ് മുന്നറിയിപ്പ്; അറബിക്കടലിൽ ചക്രവാതചുഴി

തിരുവനന്തപുരം: ബംഗാൾ ഉൾക്കടലിലെ ന്യൂനമർദ്ദം ജവാദ് ചുഴലിക്കാറ്റായി മാറാൻ സാധ്യതയെന്ന് കേന്ദ്ര കാലാവസ്ഥാ വകുപ്പ്. ഡിസംബർ നാലിന് രാവിലെയോടെ വടക്കൻ ആന്ധ്രാപ്രദേശ്- ഒഡീഷ തീരത്താകും കാറ്റ് കരയിൽ പ്രവേശിക്കുകയെന്നും കേന്ദ്ര കാലാവസ്ഥാ വകുപ്പ് അറിയിച്ചു.

നിലവിൽ ആൻഡമാൻ കടലിൽ സ്ഥിതി ചെയ്യുന്ന ന്യൂനമർദ്ദം നാളെയോടെതെക്ക് കിഴക്കൻ ബംഗാൾ ഉൾകടലിലെത്തി തീവ്രന്യൂനമർദ്ദമായും തുടർന്നുള്ള 24 മണിക്കൂറിൽ വീണ്ടും ശക്തി പ്രാപിച്ച് മധ്യ ബംഗാൾ ഉൾകടലിൽ വച്ചു ‘ജവാദ് ‘ചുഴലിക്കാറ്റായി മാറാനുമാണ് സാധ്യത. തുടർന്ന്പടിഞ്ഞാറു – വടക്ക് പടിഞ്ഞാറു ദിശയിൽ സഞ്ചരിച്ചു ശക്തി പ്രാപിക്കുന്ന ഡിസംബർ 4 നു രാവിലെയോടെ വടക്കൻ ആന്ധ്രാപ്രദേശ് – ഒഡിഷ തീരത്ത് കരയിൽ പ്രവേശിക്കാൻ സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.

Also Read :
തെക്കു കിഴക്കൻ അറബിക്കടലിൽ ലക്ഷദ്വീപിന് സമീപം നിലനിന്നിരുന്ന ചക്രവാതചുഴി നിലവിൽ മധ്യ കിഴക്കൻ അറബിക്കടലിന്‍റെ തെക്കു കിഴക്കായി സ്ഥിതി ചെയുന്നു. ചക്രവാത ചുഴിയോടനുബന്ധിച്ചു ഒരു ന്യൂനമർദ്ദപാത്തി മധ്യ കിഴക്കൻ അറബിക്കടൽ മുതൽ കച്ച് (ഗുജറാത്ത് ) വരെ നിലനിൽക്കുന്നു.

അറബിക്കടൽ ചക്രവാതചുഴിയും ബംഗാൾ ഉൾക്കടൽ ചുഴലിക്കാറ്റും നിലവിൽ കേരളത്തിൽ ഭീഷണിയല്ല. അതേസമയം കേരളത്തിൽ അടുത്ത രണ്ടു ദിവസവും ഒറ്റപ്പെട്ട ഇടി മിന്നലോടു കൂടിയ മഴക്ക് സാധ്യതയുണ്ട്. കേരള – കർണാടക – ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസ്സമില്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.

Also Read :

മത്സ്യത്തൊഴിലാളി ജാഗ്രതാ നിർദ്ദേശം
01-12-2021: ആൻഡമാൻ കടലിലും, ആൻഡമാൻ നിക്കോബാർ ദ്വീപിനോട് ചേർന്നുള്ള തെക്ക്-കിഴക്കൻ ബംഗാൾ ഉൾക്കടലിലും, ആൻഡമാൻ കടൽ എന്നിവിടങ്ങളിലും മണിക്കൂറിൽ 45 മുതൽ 55 കി. മീ വരെ വേഗതയിലും ചിലവസരങ്ങളിൽ 65 കി. മീ വരെ വേഗതയിലും ശക്തമായ കാറ്റിനും മോശം കാലാവസ്‌ഥക്കും സാധ്യത. മധ്യ-കിഴക്കൻ അറബിക്കടലിലും അതിനോട്‌ചേർന്ന വടക്കു കിഴക്കൻ അറബിക്കടലിലും ഗുജറാത്ത്- മഹാരാഷ്ട്ര തീരത്തും മണിക്കൂറിൽ 40 മുതൽ 50 കി. മീ വരെ വേഗതയിലും ചിലവസരങ്ങളിൽ 60 കി. മീ വരെ വേഗതയിലും ശക്തമായ കാറ്റിനും മോശം കാലാവസ്‌ഥക്കും സാധ്യത.

02-12-2021: മധ്യ-കിഴക്കൻ അതിനോട്‌ ചേർന്ന തെക്ക്- കിഴക്കൻ ബംഗാൾ ഉൾക്കടലിലും, ആൻഡമാൻ നിക്കോബാർ ദ്വീപ് & ആൻഡമാൻ കടൽ എന്നിവിടങ്ങളിലും മണിക്കൂറിൽ 50 മുതൽ 60 കി. മീ വരെ വേഗതയിലും ചിലവസരങ്ങളിൽ 70 കി. മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്‌ഥക്കും സാധ്യതയുണ്ട്. വടക്കു കിഴക്കൻ അറബിക്കടലിലും അതിനോട്‌ചേർന്ന മധ്യ-കിഴക്കൻ അറബിക്കടലിലും ഗുജറാത്ത്- മഹാരാഷ്ട്ര തീരത്തും മണിക്കൂറിൽ 45 മുതൽ 55 കി. മീ വരെ വേഗതയിലും ചിലവസരങ്ങളിൽ 65 കി. മീ വരെ വേഗതയിലും ശക്തമായ കാറ്റിനും മോശം കാലാവസ്‌ഥക്കും സാധ്യതയുണ്ട്. മേൽ പറഞ്ഞ ദിവസങ്ങളിൽ പ്രസ്തുത പ്രദേശങ്ങളിൽ മത്സ്യബന്ധനത്തിന് പോകാൻ പാടുള്ളല്ല.