ഇത്തരമൊരു സന്ദർഭമാണ് ഇപ്പോൾ സമൂഹ മാധ്യമങ്ങളിൽ വൈറലാവുന്നത്. മുംബൈയിൽ നിന്നുള്ള വിഡിയോയിൽ അതിഥികൾ വിവാഹ വിരുന്നു ആസ്വദിക്കുന്നത് കാണാം. എന്നാൽ പുറകിലായി ഒരു കെട്ടിടത്തിൽ തീ പിടിച്ചിരിക്കുന്നതും വിഡിയോയിൽ വ്യക്തമാണ്. ഭക്ഷണം കഴിച്ചു കൊണ്ടിരിക്കുന്നവർ പുറകിലെ തീ പിടിത്തും സാകൂതം വീക്ഷിക്കുന്നുണ്ടെങ്കിലും ഇടയ്ക്കിടെ തിരിഞ്ഞിരുന്ന് ഭക്ഷണം കഴിക്കുന്ന വീഡിയോ തീർച്ചയായും ചിരി പടർത്തും.
മുംബൈഖബർ 9 എന്ന ട്വിറ്റർ ഹാൻഡിലിൽ പോസ്റ്റ് ചെയ്ത വീഡിയോ താനെയിലെ ഭിവണ്ടിയിലെ അൻസാരി വിവാഹ ഹാളിൽ നിന്നുള്ളതാണ്. ഇക്കഴിഞ്ഞ ഞായറാഴ്ചയായിരുന്നു വിഡിയോയിൽ ചിത്രീകരിച്ച സംഭവം നടന്നത്. വിവാഹ മണ്ഡപത്തിലെ സ്റ്റോർ റൂമിലാണ് തീപിടിത്തമുണ്ടായതെന്ന് ഫ്രീ പ്രസ് ജേണൽ റിപ്പോർട്ട് ചെയ്യുന്നു. പ്രദേശത്ത് പാർക്ക് ചെയ്തിരുന്ന ആറ് ഇരുചക്ര വാഹനങ്ങളെങ്കിലും കത്തിനശിച്ചു. എന്നാൽ, ആളപായമൊന്നും റിപ്പോർട്ട് ചെയ്തിട്ടില്ല. രാത്രി 10 മണിയോടെ മൂന്ന് ഫയർ എഞ്ചിനുകൾ സ്ഥലത്തെത്തി തീ നിയന്ത്രണവിധേയമാക്കിയതായി ഭിവണ്ടി മുനിസിപ്പൽ കോർപ്പറേഷൻ ഉദ്യോഗസ്ഥനെ ഉദ്ധരിച്ച് ഫ്രീ പ്രസ് ജേണൽ റിപ്പോർട്ട് ചെയ്തു.
