‘ജവാദ്’ ചുഴലിക്കാറ്റ് വരുന്നു: കേരളത്തിന് ആശങ്കവേണ്ട, ആന്ധ്രാ ഒഡീഷ തീരം തൊടുമെന്ന് മുന്നറിയിപ്പ്

ചെന്നൈ: ബംഗാള്‍ ഉള്‍ക്കടലിൽ പുതിയൊരു ചുഴലിക്കാറ്റിന് കൂടി സാധ്യത തെളിയുന്നതായി മുന്നറിയിപ്പ്. ആ‌‍ൻഡമാൻ കടലിൽ രൂപം കൊണ്ട ന്യൂനമ‍ർദ്ദം ഡിസംബര്‍ മൂന്നോടെ ബംഗാൾ ഉൾക്കടലിലേക്ക് എത്തി ചുഴലിക്കാറ്റായി മാറുമെന്നാണ് കേന്ദ്ര കാലാവസ്ഥാ വകുപ്പിന്റെ പ്രവചനം.

Also Read :

ബംഗാൾ ഉൾകടലിൽ അടുത്ത 12 മണിക്കൂറിനുള്ളിലും അറബികടലിൽ നാളെയും പുതിയ ന്യുന മർദ്ദം രൂപപ്പെടാൻ സാധ്യതയുണ്ടെന്നും അറിയിച്ചിട്ടുണ്ട്. തെക്കു കിഴക്കൻ അറബിക്കടലിൽ മാലിദ്വീപിനും ലക്ഷദ്വീപിനും സമീപം ചക്രവാതചുഴി നിലനിൽക്കുകയാണ്.

ബംഗാൾ ഉൾകടലിൽ തെക്കൻ ആന്‍ഡമാന്‍ കടലിൽ പുതിയ ന്യുന മർദ്ദം അടുത്ത 12 മണിക്കൂറിനുള്ളിൽ രൂപപ്പെടാൻ സാധ്യത. പടിഞ്ഞാറു – വടക്ക് പടിഞ്ഞാറു ദിശയിൽ സഞ്ചരിക്കുന്ന ന്യുന മർദ്ദം തുടർന്നുള്ള 48 മണിക്കൂറിൽ തെക്ക് കിഴക്കൻ ബംഗാൾ ഉൾകടലിൽ പ്രവേശിച്ച് തീവ്ര ന്യുന മർദ്ദമായി ശക്തി പ്രാപിക്കാൻ സാധ്യത.

Also Read :

ചുഴലിക്കാറ്റ് രൂപമെടുക്കുന്നതോടെ ഈ വർഷം അറബിക്കടലിലും ബംഗാൾ ഉൾക്കടലിലുമായി രൂപം കൊള്ളുന്ന അഞ്ചാമത്തെ ചുഴലിക്കാറ്റായി ജവാദ് മാറും. സൗദി അറേബ്യ നിർദ്ദേശിച്ച പേരുകളുടെ പട്ടികയിൽ നിന്നാണ് പുതിയ ചുഴലിക്കാറ്റിന് ജവാദ് എന്ന് പേരിട്ടത്. അറബിക്കടലിൽ ടൗട്ടെ, ഷഹീൻ ചുഴലിക്കാറ്റുകൾ ആഞ്ഞടിച്ചപ്പോൾ ബംഗാൾ ഉൾക്കടലിൽ ഗുലാബ്, യാസ് എന്നിവയാണ് രൂപമെടുത്തത്.

മധ്യ കിഴക്കൻ അറബികടലിൽ മഹാരാഷ്ട്ര തീരത്ത് പുതിയ ന്യുന മർദ്ദം രൂപപ്പെടാൻ സാധ്യത. അതേസമയം, ജവാദ് ചുഴലിക്കാറ്റ് കേരളത്തെ സ്വാധീനിക്കില്ലെന്നാണ് വിലയിരുത്തൽ.

Also Read :

അതേസമയം കേരളത്തിൽ ഇന്ന് മഴ മുന്നറിയിപ്പ് ഒന്നുമില്ല. കാലാവസ്ഥാ നിരീക്ഷണ കേന്ദ്രം പുറത്തുവിട്ട വാര്‍ത്താക്കുറിപ്പിൽ ഇന്ന് വിവിധ ജില്ലകളില്‍ യെല്ലോ അലേര്‍ട്ട് പ്രഖ്യാപിച്ചിരുന്നു. എന്നാൽ പിന്നീട് അത് മാറ്റിയിരുന്നു.