ജയം ഉറപ്പിച്ച് ജോസ് കെ മാണി; രാജ്യസഭ തെരഞ്ഞെടുപ്പ് തുടങ്ങി

തിരുവനന്തപുരം: സംസ്ഥാനത്ത് നിന്ന് ഒഴിവുവന്ന രാജ്യസഭ സസീറ്റിലേക്കുള്ള തെരഞ്ഞെടുപ്പ് ആരംഭിച്ചു. കേരള കോൺഗ്രസ് എം ചെയർമാൻ മുന്നണി മാറ്റത്തെ തുടർന്ന് രാജിവച്ച ഒഴിവിലേക്കാണ് തെരഞ്ഞെടുപ്പ് നടക്കുന്നത്. എൽ ഡി എഫ് സ്ഥാനാർഥിയായി ജോസ് കെ മാണി തന്നെയാണ് മത്സരിക്കുന്നത്. കോൺഗ്രസ് നേതാവ് ശൂരനാട് രാജശേഖരനാണ് യു ഡി എഫ് സ്ഥാനാർഥി.

നിയമസഭ സമുച്ചയത്തിൽ പ്രത്യേകം സജ്ജീകരിച്ച പോളിങ് ബൂത്തിലാണ് വോട്ടെടുപ്പ് പുരോഗമിക്കുന്നത്. വൈകീട്ട് നാല് മണി വരെയാണ് വോട്ടെടുപ്പ്. വൈകീട്ട് അഞ്ചിന് വോട്ടെണ്ണും. നിയമസഭയിലെ അംഗബലം അനുസരിച്ച് എൽഡിഎഫ് സ്ഥാനാർഥി ജോസ് കെ മാണിയുടെ ജയം ഉറപ്പാണ്. നിയമസഭയിൽ 99 അംഗങ്ങളാണ് ഇടതുമുന്നണിയ്ക്ക് ഉള്ളത്. യുഡിഎഫിന് 41 അംഗങ്ങളും.

Also Read :
കൊവിഡ് ബാധിതരായി ചികിത്സയിലായതിനാൽ സി പി എം നേതാവും മുൻ മന്ത്രിയുമായ ടിപി രാമകൃഷ്ണൻ, പി മമ്മിക്കുട്ടി എന്നിവർ തെരഞ്ഞെടുപ്പിൽ പങ്കെടുക്കില്ല. യുഡിഎഫ് അംഗം പിടി തോമസും ചികിത്സയിലാണ്.

Also Read :

നേരത്തെ യുഡിഎഫിലായിരിക്കെ 2018ലാണ്‌ ജോസ് കെ മാണിക്ക് രാജ്യസഭാ സീറ്റ് ലഭിച്ചത്. യുഡിഎഫ് വിട്ടതോടെ 2021 ജനുവരി 11നായിരുന്നു അദ്ദേഹം അംഗത്വം രാജിവെച്ചത്. ഈ സീറ്റിന്‍റെ കാലാവധി 2024 ജൂലായ് 1 വരെയുണ്ട്. മുന്നണി വിട്ട് വരുമ്പോഴുള്ള സീറ്റ് ആ പാർട്ടിയ്ക്ക് തന്നെ നൽകുന്ന പതിവ് തുടർന്നാണ് എൽഡിഎഫ് സീറ്റ് കേരളാ കോൺഗ്രസ് എമ്മിന് നൽകിയത്.