Also Read:
ലാപ്‌ടോപ് നഷ്ടപ്പെട്ടതിന് ശേഷം സോഷ്യല്‍ മീഡിയയില്‍ പോസ്റ്റ് പങ്കുവെയ്ക്കുകയും ചെയ്തിരുന്നു. ലാപ്‌ടോപ് ഇല്ലാത്ത സാഹചര്യത്തില്‍ മൂന്നോട്ടുള്ള പഠനത്തിന് പ്രതിസന്ധി നേരിടുകയാണ്. നവംബര്‍ 3 ന് സുഹൃത്തുക്കള്‍ക്കൊപ്പം ബീച്ചില്‍ പോയപ്പോഴാണ് സായൂജ്യയ്ക്ക് ലാപ്‌ടോപ് നഷ്ടമായത്.
കാറിന്റെ പിന്‍സീറ്റില്‍ വിന്‍ഡോ സൈഡിലാണ് ലാപ്‌ടോപ് വച്ചിരുന്നത്. തിരികെ എത്തിയപ്പോഴാണ് ലാപ്‌ടോപ് നഷ്ടമായതായി മനസ്സിലായത്. അന്ന് തന്നെ കോഴിക്കോട് ടൗണ്‍ പോലീസ് സ്‌റ്റേഷനില്‍ പരാതി മെയില്‍ ചെയ്തിരുന്നു. കൂടുതല്‍ വിവരങ്ങളൊന്നും ലഭിക്കാതിരുന്ന സാഹചര്യത്തിലാണ് പോസ്റ്റ് പങ്കുവെയ്ക്കാന്‍ തീരുമാനിച്ചതെന്ന് സായൂജ്യ പറയുന്നു.
വൈകുന്നേരം അഞ്ചരയ്ക്ക് ബീച്ചില്‍ പോയി ഏഴ് മണിയോടെ തിരികെ എത്തുകയും ചെയ്തു. ഇംഗ്ലീഷ് ലിറ്ററേച്ചില്‍ രണ്ടാം വര്‍ഷം ഗവേഷണം നടന്നു കൊണ്ടിരിക്കുകയായിരുന്നു. ഗവേഷണവുമായി ബന്ധപ്പെട്ട പ്രാഥമിക വിവരങ്ങളെല്ലാം ലാപ്‌ടോപ്പിലാണ് ഉണ്ടായിരുന്നത്.
ലാപ്‌ടോപില്‍ കാഴ്ചപരിമിതര്‍ക്കുള്ള സോഫ്റ്റ് വെയറുകളും മറ്റും ഡൗണ്‍ലോഡ് ചെയ്താണ് പഠിച്ചിരുന്നത്. ഡിഗ്രി മുതലുള്ള പല പിഡിഎഫുകളും വിവരങ്ങളും ഉണ്ടായിരുന്നു. ഇപ്പോഴാണ് ശരിക്കും കാഴ്ച നഷ്ടപ്പെട്ടതു പോലെ തോന്നുന്നത്. ലാപ്‌ടോപ് അല്ല ശരിക്കും എന്റെ കണ്ണാണ് നഷ്ടമായത്’, സായൂജ്യ പറയുന്നു.
Also Read:
കഴിഞ്ഞ ഒരു മാസമായി സായൂജ്യയ്ക്ക് പേപ്പര്‍ പ്രസന്റേഷനോ റിസര്‍ച്ചുമായി ബന്ധപ്പെട്ട മറ്റ് പ്രവര്‍ത്തികള്‍ ചെയ്യാനോ കഴിയുന്നില്ല. ആരുടെയെങ്കിലും കൈയില്‍ അത് കിട്ടിയിട്ടുണ്ടെങ്കില്‍ എന്റെ ഭാവിയെ കരുതി ലാപ്‌ടോപ് തിരികെ നല്‍കണമെന്നാണ് പറയാനുള്ളത്, സായൂജ്യ കൂട്ടിച്ചേര്‍ത്തു.
