Also Read:
‘പുതിയ ആളുകള്‍ക്ക് പാര്‍ട്ടിയില്‍ അവസരം കൊടുക്കണം. പ്രായപരിധി കടന്നതിനാല്‍ പലരും പുറത്തുപോകേണ്ടി വരും. അലവന്‍സ്, വൈദ്യസഹായം, മറ്റ് സഹായങ്ങള്‍ എന്നിവ തുടരും’, അദ്ദേഹം വ്യക്തമാക്കി.
സിപിഎം കമ്മിറ്റിയിലെ അംഗങ്ങളുടെ പ്രായപരിധി സംബന്ധിച്ച് മുമ്പ് തന്നെ റിപ്പോര്‍ട്ടുകള്‍ പുറത്തുവന്നെങ്കിലും പാര്‍ട്ടി നേതൃത്വം ഇതുസംബന്ധിച്ച് ഔദ്യോഗിക പ്രതികരണങ്ങള്‍ നല്‍കിയിരുന്നില്ല. കേരളത്തില്‍ 88 അംഗങ്ങളും 8 ക്ഷണിതാക്കളും ഉള്‍പ്പെടെ 96 സംസ്ഥാന കമ്മിറ്റിയാണ് ഉള്ളത്. ഇതില്‍ ഏകദേശം ഇരുപതോളം പേര്‍ 75 വയസ്സ് പിന്നിട്ടവരാണ്. ഈ പ്രായപരിധിക്ക് പുറത്താണ് വരുന്നത്. ചിലര്‍ക്ക് ഇളവ് കൊടുക്കാമെങ്കിലും പ്രധാനപ്പെട്ട പലരും സംസ്ഥാന സമിതിയില്‍ നിന്ന് പുറത്തുപോകാനാണ് സാധ്യത.
‘ഏരിയ കമ്മിറ്റികളില്‍ 40 വയസ്സില്‍ താഴെ രണ്ട് പേരെന്നത് നിര്‍ബന്ധമാക്കും. പാര്‍ട്ടി പ്രവര്‍ത്തകര്‍ അധികാര ദല്ലാള്‍ ആകരുത്. സ്വയം അധികാര കേന്ദ്രമായി മാറരുത്. പാര്‍ട്ടി ഓഫിസുകളിലും മന്ത്രിമാരുടെ ഓഫിസിലും വരുന്നവര്‍ക്ക് നീതി നല്‍കണം. ഇത് പാര്‍ട്ടി പ്രവര്‍ത്തകര്‍ ഉള്‍ക്കൊള്ളണം. പാര്‍ട്ടി ലെവി മാസത്തിലാക്കണം. വര്‍ഷത്തില്‍ നല്‍കുന്ന രീതി മാറ്റണം. വരുമാനത്തിന് അനുസരിച്ച് ലെവി നല്‍കണം. അംഗങ്ങളുടെ എണ്ണം വര്‍ദ്ധിച്ചിട്ട് കാര്യമില്ല. ഗുണമേന്മയുള്ള പാര്‍ട്ടി അംഗങ്ങള്‍ വേണം’, കോടിയേരി കൂട്ടിച്ചേര്‍ത്തു.
Also Read:
സംസ്ഥാന സെക്രട്ടേറിയറ്റിലെ ആനത്തലവട്ടം ആനന്ദന്‍, വൈക്കംം വിശ്വന്‍, കെ കരുണാകരന്‍, കെ ജെ തോമസ് തുടങ്ങിയവര്‍ 75 വയസ്സ് പ്രായം പിന്നിട്ടവരാണ്. ഇവരെല്ലാം കണ്ണൂരില്‍ നടക്കുന്ന പാര്‍ട്ടി സമ്മേളനത്തോടെ നേതൃനിരയില്‍ നിന്ന് പുറത്താകും.
