ദത്തു നല്‍കിയ സംഭവത്തിലെ വകുപ്പുതല അന്വേഷണത്തിലാണ് ഗുരുതര പരാമര്‍ശങ്ങളുള്ളത്. വനിതാ ശിശുക്ഷേമ വികസന ഡയറക്ടര്‍ ടിവി അനുപമ ഇന്ന് റിപ്പോര്‍ട്ട് സര്‍ക്കാരിനു കൈമാറും. അനുപമ പരാതിയുമായി സമീപി്ച ശേഷവും അധികൃതര്‍ ദത്തു നടപടികളുമായി മുന്നോട്ടു പോയി എന്നതാണ് പ്രധാന ആരോപണം. ഏപ്രിൽ 22ന് സിറ്റിങ് നടത്തിയിട്ടും കുഞ്ഞിനെ ദത്തുനൽകുന്നത് തടയാൻ സിഡബ്ല്യൂസി ഇടപെട്ടില്ലെന്നും റിപ്പോര്‍ട്ടിൽ പരാമര്‍ശിക്കുന്നതായി ചാനൽ വാര്‍ത്തയിൽ പറയുന്നു. അനുപമയുമായി സിറ്റിങ് നടത്തിയ ശേഷവും ഈ വിവരങ്ങള്‍ സിഡബ്ല്യൂസി പോലീസിനെ അറിയിച്ചില്ലെന്നും റിപ്പോര്‍ട്ടിൽ വ്യക്തമാക്കുന്നുണ്ട്. ഈ വീഴ്ചകള്‍ തെളിയിക്കുന്ന രേഖകള്‍ വകുപ്പുതല അന്വേഷണത്തിൽ കിട്ടിയതായും റിപ്പോര്‍ട്ടിൽ വ്യക്തമാക്കുന്നു.
Also Read:
കുഞ്ഞിൻ്റെ അവകാശവാദം ഉന്നയിച്ച് അനുപമ ശിശുക്ഷേമ സമിതിയെ സമീപിച്ചെങ്കിലും സമിതിയുടെ ജനറൽ സെക്രട്ടറി ഷിജു ഖാൻ ദത്തു നടപടികളുമായി മുന്നോട്ടു പോകുകയായിരുന്നു. കുഞ്ഞിനെ ആന്ധ്രാ പ്രദേശില ദമ്പതികള്‍ക്ക് ദത്ത് നല്‍കുന്നതിനു മൂന്നര മാസം മുൻപ് മാതാപിതാക്കളുമായി ചൈൽഡ് വെൽഫെയര്‍ കമ്മിറ്റി ചെയര്‍പേഴ്സൺ അഡ്വ എൻ സുനന്ദ മാതാപിതാക്കളുമായി സിറ്റിങ് നടത്തിയിരുന്നു. ഇവര്‍ക്കെതിരെയും റിപ്പോര്‍ട്ടിൽ പരാമര്‍ശമുണ്ട്. കൂടാതെ കുഞ്ഞിനെ തട്ടിയെടുത്തെന്ന പരാതിയുയായി അനുപമ പേരൂര്‍ക്കട പോലീസിനെ സമീപിച്ചെങ്കിലും നാലു മാസത്തോളം നടപടിയുണ്ടായില്ല.
Also Read:
കുഞ്ഞിനെ ദത്തു നല്‍കി നാലു ദിവസത്തിനു ശേഷമായിരുന്നു അനുപമ കുഞ്ഞിനെ അന്വേഷിച്ച് ശിശുക്ഷേമ സമിതിയിലെത്തിയത്. എന്നാൽ പരാതി ലഭിച്ച ഉടൻ തന്നെ അഡോപ്ഷൻ കമ്മിറ്റി യോഗം ചേര്‍ന്ന് കുഞ്ഞിനെ ഫോസ്റ്റര്‍ കെയറിനായി ഏൽപ്പിച്ചിരിക്കുന്ന ആന്ധ്രാ ദമ്പതികളിൽ നിന്ന് തിരിച്ചു വാങ്ങാൻ നടപടിയുണ്ടായില്ല. സിഡബ്ല്യൂസിയുടെ ഉത്തരവുമായി ഓഗസ്റ്റ് 11ന് അനുപമ ശിശുക്ഷേമ സമിതിയിലെത്തി. ഒക്ടോബര്‍ 22നാണ് തന്‍റെ കുഞ്ഞിനെ തട്ടിപ്പറിച്ചു കൊണ്ടുപോയതെന്നും അന്നു രാത്രി 12.30ന് കിട്ടിയ കുഞ്ഞ് തന്‍റേതാകാൻ സാധ്യതയുണ്ടെന്നുമായിരുന്നു അനുപമ പറഞ്ഞത്. തുടര്‍ന്ന് ഒക്ടോബര്‍ 22ന് അന്നു കിട്ടിയ രണ്ടാമത്തെ കുഞ്ഞിനെ കാണിച്ചു കൊടുത്ത അധികൃതര്‍ ആദ്യം കിട്ടിയ കുഞ്ഞിനെ ദത്തു നല്‍കിയതായും അറിയിച്ചു. ഇനി ഒന്നും ചെയ്യാൻ കഴിയില്ലെന്നായിരുന്നു വിശദീകരണം. എന്നാൽ അനുപമയെത്തി ആറു ദിവസത്തിനു ശേഷമാണ് ദത്ത് നല്‍കാനാവശ്യമായ ഹര്‍ജിയുമായി ശിശുക്ഷേമ സമിതി കോടതിയെ സമീപിക്കുന്നത്. കുഞ്ഞിൻ്റെ അവകാശവാദം ഉന്നയിച്ച് ആരും എത്തിയില്ലെന്ന വാദം കോടതിയിൽ ഷിജു ഖാന് കുരുക്കായേക്കും. കൂടാതെ കുഞ്ഞിൻ്റെ വിവരങ്ങള്‍ ആശുപത്രികളിൽ ഉള്‍പ്പെടെ തെറ്റായി നല്‍കിയിട്ടുമുണ്ട്.
പത്രപ്പരസ്യം ശ്രദ്ധയിൽപ്പെട്ട അനുപമയുടെ പങ്കാളി അജിത്ത് പലവട്ടം ഷിജുഖാനെ കണ്ടെങ്കിലും ഇക്കാര്യവും മറച്ചു വെച്ചു. ശിശുക്ഷേമ സമിതി രജിസ്റ്ററും ചുരണ്ടി മാറ്റിയിട്ടുണ്ട്.
