1992-ൽ അന്തരിച്ച ജർമ്മൻ പ്രഭ്വി കാർലോട്ട ലീബെൻ‌സ്റ്റൈനിൽ നിന്നാണ് തന്റെ വളർത്ത് നായയായ ഗുന്തർ നാലാമൻ കോടീശ്വനായത്. മരണത്തത്തിന് മുൻപ് ഗുന്തർ നാലാമൻ്റെ സംരക്ഷണത്തിനായി 58 മില്യൺ ഡോളർ വിലമതിക്കുന്ന സ്വത്താണ് കാർലോട്ട ഒരു ട്രസ്റ്റിന് സമ്മാനിച്ചത്. ട്രസ്റ്റിലെ അംഗങ്ങളുടെ ജോലി ഗുന്തർ നാലാമനേയും സന്തതികളെയും സർവ സുഖസൗകര്യങ്ങളോടും നോക്കി വളർത്തുക എന്നത് മാത്രമാണ്. പ്രഭ്വി കാർലോട്ട തന്റെ നായയ്‌ക്കായി എഴുതിവച്ച ബംഗ്ലാവാണ് ഇപ്പോൾ വില്പനയ്ക്ക് വച്ചിരിക്കുന്നത്.
ടസ്‌കാൻ ശൈലിയിലുള്ള വില്ല ഏകദേശം 32 മില്യൺ ഡോളറിന് അടുത്തിടെയാണ് വില്പനയ്ക്ക് ഒരുക്കിയത്. 2000-ൽ മഡോണയിൽ നിന്ന് 7.5 മില്യൺ ഡോളറിനാണ് ഈ ബംഗ്ലാവ് വാങ്ങിയത്. ഒമ്പത് കിടപ്പുമുറികളും എട്ട് കുളിമുറികളും ഔട്ട്ഡോർ നീന്തൽക്കുളവും ഉള്ള ഈ ബംഗ്ലാവ് 1928-ലാണ് നിർമ്മിച്ചത്.
കോമ്പസിലെ ദി അസ്സൗലിൻ ടീമിലെ റൂത്തിയും ഏഥൻ അസ്സൗലിനും ആണ് വില്പന ചുമതല ഏൽപ്പിച്ചിരിക്കുന്നത്. ഉടമസ്ഥൻ നായയാണെന്ന് പറഞ്ഞപ്പോൾ വിശ്വസിക്കാൻ കഴിഞ്ഞില്ലെന്ന് റൂത്തി ഫോർബ്‌സിനോട് പറഞ്ഞു. “ഞങ്ങൾ എണ്ണമറ്റ ദശലക്ഷക്കണക്കിന് ഡോളർ വീടുകൾ വിറ്റിട്ടുണ്ട്, പക്ഷേ ഇത് തീർച്ചയായും ആദ്യമാണ്. വസ്തു ഒരു നായയുടെ ഉടമസ്ഥതയിലാണെന്ന് കൈകാര്യം ചെയ്യുന്നവർ എന്നോട് പറഞ്ഞപ്പോൾ, ഞാൻ അത് വിശ്വസിച്ചില്ല”, ഏഥൻ അസ്സൗലി പറഞ്ഞു. “അൾട്രാ-പ്രൈവറ്റ് ഗേറ്റഡ് എസ്റ്റേറ്റ്, രാജകീയ ഈന്തപ്പനകൾ, സമൃദ്ധമായ ലാൻഡ്സ്കേപ്പിംഗ്, തുറസ്സായ തുറമുഖ കാഴ്ചകൾ എന്നിങ്ങനെ വിശാലമായ സ്ഥലത്താണ് ബംഗ്ലാവ് സ്ഥിതി ചെയ്യുന്നത്,” റൂത്തി കൂട്ടിച്ചേർത്തു.
“ഗുന്തറുമായുള്ള (നായ) ഞങ്ങളുടെ ആദ്യ കൂടിക്കാഴ്ചയിൽ, അവൻ ഓടിവന്ന് എനിക്ക് ഒരു വലിയ ചുംബനം നൽകി, എന്റെ ലിപ്സ്റ്റിക്ക് നക്കി. അതാണ് യഥാർത്ഥത്തിൽ കരാർ ഉറപ്പിച്ചതെന്ന് ഞാൻ കരുതുന്നു,” അല്പം തമാശയോടെ റൂത്തി പറയുന്നു.
