തിരുവനന്തപുരത്ത് ജോലി ചെയ്യുന്ന ഐ പി എസ് ഉദ്യോഗസ്ഥൻ ഒക്ടോബർ 31ന് കൊച്ചിയിൽ എത്തിയിരുന്നെന്നാണ് റിപ്പോർട്ട് പറയുന്നത്. ഇദ്ദേഹം ഇടയ്ക്കിടെ കൊച്ചിയിലെത്തുന്നത് എന്തിനാണെന്നും സംഭവ ദിവസം ഹോട്ടലിൽ എത്തിയത് എന്തിനാണെന്നും വിശദീകരിക്കേണ്ടി വന്നേക്കും. മോഡലുകളുടെ അപകടത്തെക്കുറിച്ച് ഈ ഉദ്യോഗസ്ഥൻ അന്വേഷിച്ചിരുന്നെന്നും തുടർന്ന് ഉന്നത ഉദ്യോഗസ്ഥൻ ഇദ്ദേഹത്തെ താക്കീത് ചെയ്തിരുന്നെന്നും മാതൃഭൂമി റിപ്പോർട്ട് പറയുന്നു.
Also Read :
മോഡലുകളുടെ മരണദിവസം രാത്രി സംഭവിച്ചതെന്താണന്നറിയാൻ ഹാർഡ് ഡിസ്ക്കിനെക്കുറിച്ച് അന്വേഷണം ആരംഭിച്ചപ്പോഴാണ് സംഭവം. ഹാർഡ് ഡിസ്ക് കേസ് അന്വേഷണ സംഘത്തിന് ലഭിച്ചാൽ താൻ ഹോട്ടലിലെത്തിയത് പുറത്തുവരുമെന്ന് വ്യക്തമായതോടെയാണ് ഐ പി എസ് ഉദ്യോഗസ്ഥന്‍റെ ഇടപെടൽ. ‘നമ്പർ 18’ ഹോട്ടലുടമ റോയിയും ഈ ഉദ്യോഗസ്ഥനും തമ്മിൽ ബന്ധമുണ്ടെന്നും. റോയിക്ക് സൗകര്യങ്ങൾ ലഭിച്ചത് ഈ ബന്ധം മൂലമാണെന്നും റിപ്പോർട്ട് പറയുന്നു.
പോലീസ് ഉദ്യോഗസ്ഥന്‍റെ ഭൂമിയിടപാടുകളെക്കുറിച്ചും മറ്റും അന്വേഷണത്തിന് സാധ്യതയുണ്ടെന്നും റിപ്പോർട്ടിലുണ്ട്. പനങ്ങാട് ചാത്തമ്മ ജങ്ഷനിൽ ഗുണ്ടാ ലിസ്റ്റിലുള്ളവർ ചേർന്ന് ഭൂമി നികത്തിയത് ഉന്നത ഉദ്യോഗസ്ഥന്‍റെ ബിനാമി ഭൂമിയിലാണെന്നാണ് റിപ്പോർട്ട്. ഈ കാരണം കൊണ്ടായിരുന്നു റവന്യൂ വകുപ്പ് സ്റ്റോപ്പ് മെമ്മോ നൽകിയിട്ടും പോലീസ് ഇടപെടാതെ മാറി നിന്നതെന്നും റിപ്പോർട്ട് ആരോപിക്കുന്നുണ്ട്.
Also Read :
മോഡലുകളുടെ മരണം സംബന്ധിച്ച അന്വേഷണത്തിൽ ഇന്‍റലിജൻസ് റിപ്പോർട്ട് ഉന്നത പോലീസ് ഉദ്യോഗസ്ഥന് കുരുക്കായാൽ ഇദ്ദേഹത്തിനെതിരെ അന്വേഷണത്തിനും നടപടിയ്ക്കും സാധ്യതയുണ്ട്.
