പത്തനംതിട്ട > പത്തനംതിട്ട ജില്ലയിൽ കനത്ത മഴ തുടരുന്നതിനാൽ ശനിയാഴ്ച ശബരിമലയിലും പമ്പയിലും ഭക്തരെ അനുവദിക്കില്ല. യാത്ര ഒഴിവാക്കി തീർഥാടകർ സഹകരിക്കണമെന്ന് പത്തനംതിട്ട ജില്ലാ ഭരണകൂടം അഭ്യർത്ഥിച്ചു.
പമ്പ നദിയിലെ ജലനിരപ്പ് ഉയർന്നിരിക്കുന്നതും കക്കി ഡാം തുറന്നതും പമ്പാ ഡാമിൽ റെഡ് അലർട്ട് പ്രഖ്യാപിച്ചതിനാലും ഭക്തരുടെ സുരക്ഷിതത്വം ഉറപ്പുവരുത്തുന്നത് പരിഗണിച്ച് ജില്ലാ കലക്ടറുടേതാണ് ഉത്തരവ്. വെര്ച്വല് ക്യൂ വഴി ബുക്ക് ചെയ്തവര്ക്ക് ഏറ്റവും അടുത്ത അവസരം നല്കുമെന്ന് ജില്ലാ കലക്ടർ അറിയിച്ചു.
