ജൊഹന്നാസ്ബർഗ് > ക്രിക്കറ്റിന്റെ എല്ലാ ഫോർമാറ്റിൽനിന്നും വിരമിച്ചതായി മുൻ ദക്ഷിണാഫ്രക്കൻ താരം എ ബി ഡിവില്ലിയേഴ്സ്. 2018ൽ അന്താരാഷ്ട്ര ക്രിക്കറ്റിൽനിന്ന് വിരമിച്ച ഡിവില്ലിയേഴ്സ് ഐപിഎല്ലില് റോയല് ചലഞ്ചേഴ്സ് ബാംഗ്ലൂരിന്റെ പ്രധാന ബാറ്ററായിത്തുടർന്നിരുന്നു. ട്വിറ്ററിലൂടെയാണ് താരത്തിന്റെ പ്രഖ്യാപനം.
114 ടെസ്റ്റില് നിന്ന് 50.66 ശരാശരിയില് 8765 റണ്സ് നേടിയിട്ടുള്ള ഡിവില്ലിയേഴ്സ് 228 ഏകദിനങ്ങളില് നിന്ന് 9577 റണ്സും സ്വന്തമാക്കി. ടെസ്റ്റില് 22 സെഞ്ചുറികളും രണ്ട് ഇരട്ട സെഞ്ചുറികളും 46 അര്ധ സെഞ്ചുറികളും സ്വന്തമാക്കിയിട്ടുണ്ട്. ഏകദിനത്തില് 25 സെഞ്ചുറികളും 53 അര്ധ സെഞ്ചുറികളുമുണ്ട്.
78 ട്വന്റി 20 മത്സരങ്ങളില് നിന്ന് 10 അര്ധ സെഞ്ചുറികളടക്കം 1672 റണ്സെടുത്തിട്ടുണ്ട്. 184 ഐപിഎല് മത്സരങ്ങളില് കളിച്ച താരം മൂന്ന് സെഞ്ചുറികളും 40 അര്ധ സെഞ്ചുറികളുമടക്കം 5162 റണ്സെടുത്തിട്ടുണ്ട്.
