6 പ്രധാന കാര്യങ്ങള്‍:
ലോക പുരുഷ ദിനം ആചരിയ്ക്കുമ്പോള്‍ 6 കാര്യങ്ങളാണ് പ്രധാനമായും പരിഗണിക്കപ്പെടുന്നത്. അവ ഇതൊക്കെയാണ്:
- മികച്ച പുരുഷ മാതൃകകള്‍ വാര്‍ത്തെടുക്കുക
- വീട്, കുട്ടികളുടെ വളര്‍ച്ച, സാമൂഹ്യ പുരോഗതി, പരിസ്ഥിതി എന്നിവയ്ക്ക് പുരുഷന്മാര്‍ നല്‍കുന്ന സംഭാവനകള്‍ എടുത്തുകാട്ടുക
- പുരുഷന്മാരുടെ ആരോഗ്യവും സാമൂഹികവും ഭൗതികവുമായ വളര്‍ച്ചയ്ക്ക് സാഹചര്യം ഒരുക്കുക
- പല മേഖലകളിലുമുള്ള ലിംഗ വിവേചനം അവസാനിപ്പിയ്ക്കുക
- സ്ത്രീ പുരുഷ സമത്വം സാധ്യമാക്കുക
- എല്ലാവര്‍ക്കും ഒരുപോലെ മുന്നേറാന്‍ സാധ്യതകള്‍ ഒരുക്കുക
ചരിത്രം:
1999 ലാണ് ആദ്യമായി പുരുഷ ദിനം ആചരിയ്ക്കുന്നത്. വെസ്റ്റ് ഇന്‍ഡീസ് യൂണിവേര്‍സിറ്റിയിലെ ഹിസ്റ്ററി വിഭാഗം പ്രൊഫസര്‍ ആയിരുന്ന ഡോ. ജെറോം ടീലക്സിംഗ് അദ്ദേഹത്തിന്റെ പിതാവിന്‍റെ ചരമ വാര്‍ഷികമാണ് ആദ്യമായി ഇങ്ങനെ ആചരിച്ചത്. പിന്നീട് എല്ലാ വര്‍ഷവും ഈ ദിനം പുരുഷ ദിനമായി ആചരിയ്ക്കാന്‍ അദ്ദേഹം മറ്റുള്ളവരെ പ്രോത്സാഹിപ്പിയ്ക്കുകയും ചെയ്തു.
തീം:
സ്ത്രീയും പുരുഷനും തമ്മിലുള്ള ബന്ധം ഊഷ്മളമാക്കുക എന്നതാണ് ഈ വര്‍ഷത്തെ പുരുഷ ദിനത്തിന്റെ പ്രമേയം. സ്ത്രീയും പുരുഷനും ചേര്‍ന്ന് നില്‍ക്കുന്നുവെങ്കില്‍ മാത്രമേ ലോകത്തിന്‍റെ മുന്നോട്ടുള്ള ഗതി സുഗമമാകൂ എന്ന സന്ദേശമാണ് ഇത് നല്‍കുന്നത്.
ആശംസകള്‍ പകരാം:
ഓരോ സ്ത്രീയുടെ ജീവിതത്തിലും അവരോടു ചേര്‍ന്ന് നില്‍ക്കുന്ന നിരവധി പുരുഷന്മാരുണ്ടാകും. അച്ഛനാണ് ഒരു പെണ്‍കുട്ടിയുടെ ആദ്യ ഇഷ്ട പുരുഷന്. അച്ഛന്‍, സഹോദരങ്ങള്‍, സുഹൃത്തുക്കള്‍, പങ്കാളി, സ്വന്തം ആണ്‍കുഞ്ഞ് തുടങ്ങി ഒരുപാട് സ്ഥാനങ്ങളില്‍ പുരുഷന്മാരെ കണ്ടെത്താന്‍ കഴിയും. നിങ്ങളുടെ ജീവിതത്തില്‍ സ്വാധീനം ചെലുത്തിയ ഇഷ്ട പുരുഷന്മാര്‍ക്ക് ഈ ദിവസത്തില്‍ ഹൃദയം തുറന്ന ആശംസകള്‍ നല്‍കൂ.
ദൈവം പുരുഷനെ സൃഷ്ടിച്ചത് ലോകത്തില്‍ നന്മ ചെയ്യാന്‍ വേണ്ടിയാണ്, എല്ലാവര്‍ക്കും സ്നേഹവും ബഹുമാനവും നല്‍കി നിങ്ങള്‍ ഈ ഭൂമിയെ സ്വര്‍ഗ്ഗ തുല്ല്യമാക്കൂ..
കായിക ബലം കൊണ്ടല്ല ഒരു പുരുഷന് തന്‍റെ കഴിവ് തെളിയിക്കേണ്ടത്, മറിച്ച് ജീവിതത്തിലെ ദുര്‍ഘടങ്ങളില്‍ പതറാതെ മുന്നോട്ട് പോകുമ്പോഴാണ്.
ഓരോ പുരുഷനും അവരുടെ പ്രിയപ്പെട്ടവര്‍ക്കും സമൂഹത്തിനും വേണ്ടി ചെയ്യുന്ന ചെറിയ കാര്യങ്ങള്‍ പോലും ഓര്‍ക്കേണ്ട ദിവസമാണിത്..ഹാപ്പി മെന്‍സ് ഡേ!
കൂടെയുള്ളവരുടെ സന്തോഷത്തിനും പുഞ്ചിരിയ്ക്കുമായി ജീവിതം മാറ്റിവെച്ച എല്ലാ പുരുഷന്മാര്‍ക്കും ഹാപ്പി മെന്‍സ് ഡേ!
കരുത്തുള്ള പുരുഷന് ഒരു കുടുംബത്തിന്‍റെ നട്ടെല്ലാണ്,മറ്റുള്ളവര്‍ക്ക് നല്ല ജീവിതം പകരുന്ന ഓരോ പുരുഷന്മാര്‍ക്കും ഹാപ്പി മെന്‍സ് ഡേ!
കാഴ്ചപ്പാടുകളാണ് ഒരു പുരുഷന്‍റെ സൗന്ദര്യം, സ്ത്രീകളെ മാന്യതയോടെ പരിഗണിയ്ക്കുന്നവനാണ് യഥാര്‍ത്ഥ പുരുഷന്, ഹാപ്പി മെന്‍സ് ഡേ!
പുരുഷന്മാര്‍ നല്‍കുന്ന സ്നേഹവും പിന്തുണയും ഓര്‍ക്കപ്പെടുന്ന ഈ മനോഹര ദിനത്തില്‍, ഞാന്‍ കണ്ട ഏറ്റവും നല്ല പുരുഷന് ഹാപ്പി മെന്‍സ് ഡേ…
