ഈ മാസം 14ന് ഞായറാഴ്‌ച അമേരിക്കയിലെ ഒക്ലഹോമ സിറ്റിയിലെ റിഡംപ്ഷൻ യുണൈറ്റഡ് മെത്തഡിസ്റ്റ് ചർച്ചിൽ പോയതാണ് ആഷ്ലി ആൻറിവേർസോ. പക്ഷെ പള്ളയിലുള്ളവർ ആഷ്ലിയെ പള്ളിക്കകത്ത് കയറ്റാതെ പുറത്താക്കി. സഭയിലേക്ക് കഞ്ചാവ് ചെടി കൊണ്ടുവന്നു എന്ന് കണ്ടെത്തിയാണ് സഭയിലുള്ളവർ ആഷ്ലിയെ പുറത്താക്കിയത്. അതെ സമയം തന്റെ കയ്യിലുള്ളത് കഞ്ചാവ് ചെടിയല്ല എന്നും മെക്‌സിക്കൻ സൂപ്പ് (മെനുഡോ) തയ്യാറാക്കാൻ മല്ലിയിലയാണെന്ന് ആഷ്ലി ആവർത്തിച്ച് പറഞ്ഞെങ്കിലും ആരും ചെവികൊണ്ടില്ല.
സംഭവത്തിന്റെ വീഡിയോ ടിക് ടോക്കിൽ വൈറലാണ്. ആഷ്ലി കരയുന്നതും വിഡിയോയിൽ കാണാം. വൈറലായ വിഡിയോയിൽ ആഷ്ലി തന്റെ മെനുഡോയ്‌ക്ക് മല്ലിയിലയാണെന്ന് ആവർത്തിച്ച് പറഞ്ഞിട്ടും സഭയിലേക്ക് കഞ്ചാവ് ചെടി കൊണ്ടുവന്നു ആരോപിച്ച് സഭാംഗങ്ങൾ ആഷ്ലിയെ പുറത്താക്കുന്നത് കാണാം.
വീഡിയോ ആഷ്ലി തന്നെയാണ് തന്റെ ടിക്ടോക് ഹാൻഡിൽ പോസ്റ്റ് ചെയ്തത്. 3 ദശലക്ഷത്തിലധികം പേരാണ് രണ്ട് മിനിറ്റ് ദൈർഖ്യമുള്ള വീഡിയോ ഇതുവരെ കണ്ടിരിക്കുന്നത്. “അവർ എന്നെ വിശദീകരിക്കാൻ പോലും അനുവദിച്ചില്ല! അവർ എന്നെ കുറ്റപ്പെടുത്തി!!” വീഡിയോയ്ക്ക് കുറിപ്പായി ആഷ്ലി കുറിച്ചു. തന്റെ കയ്യിലിരിക്കുന്ന ഇല മണത്ത് നോക്കാൻ ആഷ്ലി ആവശ്യപ്പെട്ടു എങ്കിലും ആരും അതിന് തയ്യാറായില്ല എന്നും ഇതാണ് തന്നെ ഏറ്റവും വിഷമിച്ചത് എന്നും ആഷ്ലി വ്യക്തമാക്കി. താൻ പള്ളിയിൽ സ്ഥിരമായി പങ്കെടുക്കുന്ന ആളാണെന്ന് ആഷ്ലി പറഞ്ഞു.
ഒടുവിൽ പോലീസ് സ്ഥലത്തെത്തി കാര്യങ്ങൾ മുഴുവൻ അന്വേഷിച്ചറിഞ്ഞു. യുവതി നിരപരാധിയാണെന്ന് വ്യക്തമായി. ഇതേ തുടർന്ന് പള്ളി അധികാരികൾ പ്രസ്താവന ഇറക്കുകയും അടുത്ത ആഴ്ച മുതൽ ആഷ്ലിയെ പ്രാർത്ഥനയിൽ പങ്കെടുക്കാൻ അനുവദിക്കുകയും ചെയ്യും എന്ന് വ്യക്തമാക്കി.
