Also Read :
ഒരു വര്‍ഷത്തിന് ശേഷമാണ് ബെംഗളൂരു ജയിലിൽ നിന്നും ബിനീഷിന് ജാമ്യം ലഭിച്ചത്. തിരികെ തിരുവനന്തപുരത്ത് എത്തി വൈകാതെയാണ് ബിനീഷ് കണ്ണൂരിൽ എത്തിയത്. കേസിലെ പ്രതികളുമായി അടുത്ത ബന്ധമുണ്ടെന്ന് ആരോപിക്കപ്പെട്ടിരുന്നു. അതിന് പിന്നാലെയാണ് സന്ദര്‍ശനമുണ്ടായിരിക്കുന്നത്.
Also Read :
ബിനീഷിന്റെ സന്ദര്‍ശനത്തെക്കുറിച്ച് ഷാഫി തന്നെ ഫേസ്ബുക്കിൽ ചിത്രം പങ്കുവച്ചതോടെയാണ് സന്ദര്‍ശനം പുറം ലോകം അറിയുന്നത്. ഒരു വര്‍ഷത്തിനു ശേഷം പ്രിയപ്പെട്ടവനുമായി കുറച്ച് നിമിഷങ്ങള്‍ എന്ന അടിക്കുറിപ്പുമായാണ് ചിത്രം പങ്കുവച്ചിരിക്കുന്നത്.
അര്‍ജുൻ ആയങ്കി വിഷയത്തിന് ശേഷം ക്വട്ടേഷൻകാര്‍ക്കെതിരെ പാര്‍ട്ടി നിലപാട് സ്വീകരിച്ചിരുന്നു. ഇതിനായി കൃത്യമായ നിരീക്ഷണവും ഏര്‍പ്പെടുത്തിയിരുന്നു. ഇതിന് പിന്നാലെ നടത്തിയ കൂടിക്കാഴ്ചയാണ് വിവാദമായിരിക്കുന്നത്.
Also Read :
ടി പി വധക്കേസിൽ പതിമൂന്നാം പ്രതിയായിരുന്ന കുഞ്ഞനന്തൻ മരിച്ചപ്പോള്‍ മൃതദേഹവുമായി തിരുവനന്തപുരത്ത് നിന്നും കണ്ണൂരിലേക്ക് പോയ ആംബുലൻസിലും ബിനീഷ് കോടിയേരിയുണ്ടായിരുന്നു. കേസിൽ ജീവപര്യന്തം തടവിനായിരുന്നു കുഞ്ഞനന്തൻ ശിക്ഷിക്കപ്പെട്ടത്. പിന്നീട്, മെഡിക്കൽ ബോർഡിന്റെ റിപ്പോര്‍ട്ട് പരിഗണിച്ച് ശിക്ഷ താത്കാലികമായി റദ്ദാക്കുകയും മൂന്ന് മാസത്തെ ജാമ്യത്തിൽ പുറത്തുവിടുകയും ചെയ്തിരുന്നു.
