വർഷങ്ങൾക്കിപ്പുറം കോടീശ്വരനാണ് . 1992-ലാണ് സ്കൂൾ പഠനം ഉപേക്ഷിച്ച് ഹെവി ഗുഡ്‌സ് വെഹിക്കിൾ (എച്ച്‌ജിവി) ലൈസൻസ് നേടി ഉപജീവനത്തിനായി സ്റ്റീവ് ഡ്രൈവിംഗ് ആരംഭിച്ചത്. ഹഡേഴ്‌സ്‌ഫീൽഡിന്റെ ബോൺമാർച്ചെ വസ്ത്ര കമ്പനിയുടെ ലോറി ഓടിക്കുകയായിരുന്നു ആദ്യം ചെയ്ത ജോലി. ഇന്ന്, ക്ലിപ്പർ എന്ന പേരിൽ ഒരു ഓൺലൈൻ ലോജിസ്റ്റിക് കമ്പനിയുടെ ഉടമയായ സ്റ്റീവിന്റെ വരുമാനം കഴിഞ്ഞ ഒരു വർഷം മാത്രം 45 ദശലക്ഷം പൗണ്ട് (450 കോടി രൂപ).
ബിസിനസ് ഇൻസൈഡർ “മാൻ വിത്ത് എ വാൻ” (Man with a van) എന്ന് കുറിച്ച സ്റ്റീവ് യോർക്ക്ഷെയറിലെ ഏറ്റവും ധനികരുടെ പട്ടികയിൽ പത്താം സ്ഥാനത്താണ്. കൊവിഡ്-19 ലോകമെമ്പാടുമുള്ള മിക്ക ബിസിനസുകളെയും ബാധിച്ചിട്ടുണ്ടെങ്കിലും, വീട്ടിൽ കുടുങ്ങിക്കിടക്കുന്ന ആളുകൾക്ക് സാധനങ്ങൾ എത്തിച്ചു നൽകി ക്ലിപ്പർ കമ്പനിയുടെ മൂല്യം വർദ്ധിപ്പിക്കാൻ സ്റ്റീവിന് സാധിച്ചതാണ് വഴിത്തിരിവായത്. വിറ്റുവരവ് 39.1 ശതമാനം വർദ്ധിച്ചതായി കമ്പനി റിപ്പോർട്ട് ചെയ്തു. ഏകദേശം 700 മില്യൺ പൗണ്ട് നേടാനും സ്ഥാപനത്തിലെ മൊത്തം ജീവനക്കാരുടെ എണ്ണം 10,000 വർദ്ധിപ്പിക്കാനുമായി. ഇതുകൂടാതെ കമ്പനിയുടെ 10 ശതമാനം ഓഹരി വിറ്റഴിച്ച് പാർക്കിൻ 2 മില്യൺ പൗണ്ട് മൂല്യമുള്ള പണം സ്വന്തമാക്കി.
“ക്ലിപ്പറിന്റെ ഭാവി വളർച്ചാ സാധ്യതകളിൽ ഞാൻ എന്നത്തേയും പോലെ ആത്മവിശ്വാസവും ശ്രദ്ധയും നിലനിർത്തുന്നു. ഞങ്ങളുടെ ഉപഭോക്താക്കൾക്കായി സങ്കീർണ്ണമായ വെല്ലുവിളികൾ പരിഹരിക്കുന്നതിന് വേഗത്തിലും ഫലപ്രദമായും പ്രവർത്തിക്കാനുള്ള ഞങ്ങളുടെ കഴിവ് ഞങ്ങൾ തെളിയിച്ചിട്ടുണ്ട്, ഈ കാലയളവിൽ ഞങ്ങൾ കൈവരിച്ച വളർച്ച ഇതാണ്” സ്റ്റീവ് പറയുന്നു.
ലീഡ്‌സ് യുണൈറ്റഡ് ഫുട്ബോൾ ക്ലബ്ബിന്റെ ആരാധകൻ കൂടെയായ സ്റ്റീവ്, ഒന്നിലധികം തവണ ക്ലബ് ഏറ്റെടുക്കുന്നത് താൻ പരിഗണിച്ചിട്ടുണ്ടെന്ന് എന്നും പറയുന്നു. നിരവധി കുതിരകളുടെ ഉടമയായ സ്റ്റീവ് ഒരു റേസിംഗ് ആരാധകനാണ്.
