Also Read:
അതിശക്തമായ മഴയ്ക്ക് സാധ്യതയുള്ളതിനാല്‍ അതീവ ജാഗ്രത പാലിക്കണമെന്ന് നിര്‍ദേശിച്ചു. മണിക്കൂറില്‍ 60 കിലോമീറ്റര്‍ വരെ വേഗതയുള്ള കാറ്റ് വീശാനിടയുണ്ട്. മത്സ്യ തൊഴിലാളികള്‍ക്ക് കടലില്‍ പോകാന്‍ വിലക്കുണ്ട്.
കനത്ത മഴയെ തുടര്‍ന്ന് ആലപ്പുഴ, പത്തനംതിട്ട, കോട്ടയം ജില്ലകളിലെ പ്രൊഫഷണല്‍ കോളജുകള്‍ ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും ജില്ലാ കളക്ടര്‍മാര്‍ ചൊവ്വാഴ്ച അവധി പ്രഖ്യാപിച്ചു. കോട്ടയത്ത് എല്ലാ വിദ്യാഭ്യാസ സ്ഥാപനങ്ങളും ഓണ്‍ലൈന്‍ ക്ലാസുകള്‍ ക്രമീകരിക്കണമെന്നും കളക്ടര്‍ നിര്‍ദേശം നല്‍കിയിട്ടുണ്ട്. മഹാത്മാഗാന്ധി സര്‍വകലാശാല ചൊവ്വാഴ്ച നടത്താന്‍ തീരുമാനിച്ചിരുന്ന എല്ലാ പരീക്ഷകളും മാറ്റിവെച്ചതായി പരീക്ഷ കണ്‍ട്രോളര്‍ അറിയിച്ചു. പുതുക്കിയ തീയതി പിന്നീട് അറിയിക്കും.
ബംഗാള്‍ ഉള്‍ക്കടലില്‍ ആന്‍ഡമാന്‍ ദ്വീപിന് സമീപം നിലനില്‍ക്കുന്ന ന്യൂനമര്‍ദം തീവ്രത കൈവരിച്ച് തമിഴ്‌നാട്, ആന്ധ്ര തീരത്തേക്ക് നീങ്ങുകയാണ്. തമിഴ്‌നാട്ടില്‍ നിന്ന് വടക്കന്‍ കേരളത്തിലേക്ക് ന്യൂനമര്‍ദപാത്തി നിലനില്‍ക്കുന്നു. അറബിക്കടലില്‍ ചക്രവാത ചുഴിയുണ്ട്.
Also Read:
ഒക്ടോബര്‍ 1 മുതല്‍ നവംബര്‍ 14 വരെയുള്ള കാലയളവില്‍ സാധാരണ ലഭിക്കേണ്ടതിനേക്കാള്‍ നൂറു ശതമാനം അധികം മഴയാണ് പെയ്തത്. 401 മില്ലീ മീറ്റര്‍ മഴ ലഭിക്കേണ്ടിടത്ത് 804 മില്ലി മീറ്റര്‍ മഴ ലഭിച്ചു. പത്തനംതിട്ടയില്‍ 184 ശതമാനവും ഇടുക്കിയില്‍ 108 ശതമാനവും അധികം മഴകിട്ടി. ഇടുക്കി, ആനയിറങ്ങള്‍, പൊന്മുടി, കുണ്ടള, ലോവര്‍പെരിയാര്‍, മൂഴിയാര്‍ സംഭരണികളില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്.
