Also Read:
വീഡിയോയ്ക്ക് താഴെ ദേശീയ ബിംബങ്ങളോടുള്ള മനോഭാവമാണ് ഫിറോസ് തകര്‍ക്കുന്നതെന്ന വിമര്‍ശനമാണ് ഉയരുന്നത്. രാജ്യത്തിന്റെ ദേശീയ പക്ഷിയാണ് മയിലെന്നും ഒരു ഭാരതീയന്‍ അതിനെ എവിടെ കണ്ടാലും ബഹുമാനിക്കേണ്ടതുണ്ടെന്നും കമന്റുകളില്‍ പറയുന്നു. ഏതു നാട്ടില്‍ പോയാലും ഭാരതീയന്‍ ആയിരിക്കണമെന്ന ഉപദേശമായും ആളുകള്‍ എത്തുന്നുണ്ട്.
‘മയിലിനെ കൊല്ലുന്നതിന് ഇന്ത്യയില്‍ വിലക്കുള്ളത് മയില്‍ വംശനാശ ഭീഷണി നേരിടുന്ന ജീവി ആയത് കൊണ്ടല്ല, മയിലിന് ദേശീയ പക്ഷി എന്ന പദവി ഉള്ളത് കൊണ്ടാണ്. അതിനെ മാനിച്ചു കൊണ്ടാണ് ഇന്ത്യന്‍ പൗരന്മാര്‍ മയിലിനെ കൊന്ന് കറി വെയ്ക്കാത്തത്’. ഫിറോസിന്റെ മതം പറഞ്ഞുള്ള വിദ്വേഷ കമന്റുകളായും വീഡിയോയ്ക്ക് താഴെ കാണാം.
‘ഇന്ത്യന്‍ പതാക അമേരിക്കയില്‍ പോയി കത്തിച്ചാല്‍ കേസ് ഉണ്ടാകില്ല. അതുകൊണ്ട് നമ്മളാരും ആ സൗകര്യം ഉപയോഗിക്കില്ലല്ലോ. കേസ് വരുമോ ഇല്ലയോ എന്നതല്ല അതിലെ വിഷയം. ദേശീയ ബിംബങ്ങളോടുള്ള മനോഭാവമാണ്’, കഴിഞ്ഞ നിയമസഭ തെരഞ്ഞെടുപ്പില്‍ ബിജെപി സ്ഥാനാര്‍ഥിയായിരുന്ന ശങ്കു ടി ദാസ് വീഡിയോയ്ക്ക് താഴെ കമന്റ് ചെയ്തു.
എന്നാല്‍, ഫിറോസിനെ അനുകൂലിച്ചും കമന്റുകള്‍ പ്രത്യക്ഷപ്പെട്ടു. ദേശീയ ഫലമായ മാങ്ങ ജ്യൂസടിക്കുന്നത് രാജ്യദ്രോഹമാണോ, ദേശീയ മത്സ്യമായി അംഗീകരിച്ച അയലയെ കറിവെച്ചാല്‍ രാജ്യദ്രോഹിയാകുമോ എന്നും ചില കമന്റുകള്‍ കാണാം.
Also Read:
പാലക്കാട് എലപ്പുള്ളിക്കടുത്ത ചുട്ടിപ്പാറ സ്വദേശിയാണ് യൂട്യൂബറായ ഫിറോസ്. ഗ്രാമീണ തനിമയില്‍ പാചകം ചെയ്ത് പ്രേക്ഷകര്‍ക്ക് മുമ്പില്‍ വിളമ്പുന്ന വീഡിയോകളുമായാണ് അദ്ദേഹം സോഷ്യല്‍ മീഡിയയില്‍ വരാറുള്ളത്.
