Also Read:
അമ്പത് കിലോ വരുന്ന അരി രണ്ട് ചാക്കുകളിലാക്കിയാണ് വീട്ടിലേക്ക് കൊണ്ടുപോയത്. രൂക്ഷ ഗന്ധം ഉണ്ടായതിന് പിന്നാലെ ചാക്കിലെ അരി പരിശോധിച്ചപ്പോള്‍ അഴുകിയ നിലയില്‍ പാമ്പിനെ കണ്ടെന്നാണ് പരാതി.
മാനന്തവാടി മുതിരേരി കരിമത്തില്‍ പണിയ ഊരി 1ലെ ബിന്നി വാങ്ങിയ റേഷന്‍ അരിയിലാണ് ചത്ത പാമ്പിനെ കണ്ടത്. കോളനിക്ക് അടുത്തുള്ള തിടങ്ങഴി റേഷന്‍ കടയില്‍ നിന്നുമാണ് കഴിഞ്ഞയാഴ്ച ഇവര്‍ അരി വാങ്ങിയത്. 50 കിലോ അരി ആയതിനാല്‍ ആദ്യം സംശയമൊന്നും തോന്നിയില്ല. പിന്നീട് രൂക്ഷഗന്ധം അനുഭവപ്പെട്ടതോടെയാണ് ചാക്കിലെ അരി പരിശോധിച്ചത്. കഴിഞ്ഞ രണ്ട് ദിവസമായി ഇവര്‍ കഴിച്ചത് ഈ അരി കൊണ്ടുണ്ടാക്കിയ ഭക്ഷണമാണ്.
Also Read:
സംഭവം ശ്രദ്ധയില്‍പെട്ടതിനെ തുടര്‍ന്ന് റേഷന്‍ ഇന്‍സ്‌പെക്ടര്‍ വീട്ടിലെത്തി പരിശോധന നടത്തി. തിടങ്ങഴി റേഷന്‍ കടയിലെ ജീവനക്കാര്‍ക്ക് വീഴ്ച സംഭവിച്ചതായി കരുതുന്നില്ലെന്നും സിവില്‍ സപ്ലൈസ് വകുപ്പിനെ വിവരം അറിയിച്ചിട്ടുണ്ടെന്നുമാണ് പ്രതികരണം.
