ആലപ്പുഴ> സുകുമാരക്കുറുപ്പിന്റെ കഥ മുമ്പും അഭ്രപാളിയിൽ തെളിഞ്ഞിട്ടുണ്ട്. കഥാപാത്രങ്ങള്ക്ക് വേറെ പേരുകളായിരുന്നെങ്കിലും 1984ൽ ബേബി സംവിധാനം ചെയ്ത എൻഎച്ച് 47ന്റെ പ്രമേയം ചാക്കോയുടെ കൊലപാതകമായിരുന്നു. ടി ജി രവിയാണ് നായകനായ സുധാകരൻപിള്ളയെ അവതരിപ്പിച്ചത്.
മലയാളത്തില് പലതവണ കൊലപാതകങ്ങള് വിഷയമായിട്ടുണ്ട്. മാടത്തരുവി കൊലക്കേസിനെ അടിസ്ഥാനപ്പെടുത്തി ‘മാടത്തരുവി’, ‘മൈനത്തരുവി കൊലക്കേസ്’ എന്നീ രണ്ട് സിനിമകളുണ്ടായി.
‘കരിക്കൻ വില്ല കൊലക്കേസ്’ ‘മദ്രാസിലെ മോനാ’യും ‘അഭയാകേസ് ‘ ‘ക്രൈം ഫയലാ’യും പ്രേക്ഷകരിലെത്തി. പോളക്കുളം കേസിനെ അധികരിച്ചാണ് എസ് എൻ സ്വാമി ‘ഒരു സിബിഐ ഡയറിക്കുറിപ്പി’ന്റെ തിരക്കഥയെഴുതിയത്.
