Also Read :
ഡി ജെ പാര്‍ട്ടി നടന്ന ഫോര്‍ട്ട് കൊച്ചിയിലെ ഹോട്ടലിലെ സിസിടിവി ദൃശ്യങ്ങളാണ് ഹോട്ടലുടമ ഒളിപ്പിച്ചിരിക്കുന്നത്. ഹോട്ടലിലെ ജീവനക്കാരനാണ് പോലീസിന് ഇത് സംബന്ധിച്ചുള്ള മൊഴി നൽകിയതെന്നും മാധ്യമറിപ്പോര്‍ട്ടിൽ പറയുന്നു.
നവംബര്‍ ഒന്നാം തീയതി ഈ ഹോട്ടലിലെ ഡി ജെ പാര്‍ട്ടി കഴിഞ്ഞ് മടങ്ങവേയായിരുന്നു വാഹനാപകടമുണ്ടായത്. മുൻ മിസ് കേരള അന്‍സി കബീറും, സഹൃത്തുക്കളായ അന്‍ജന ഷാജന്‍, ആഷിഖ്, അബ്ദുള്‍ റഹ്മാന്‍ എന്നിവര്‍ സഞ്ചരിച്ച കാറാണ് അപകടത്തില്‍പ്പെട്ടത്. അൻസിയും അഞ്ജനയും സംഭവ സ്ഥലത്തും ആഷിഖ് ആശുപത്രിയിൽ ചികിത്സയിലിരിക്കെയുമാണ് മരിച്ചത്.
Also Read :
അപകടത്തിന് പിന്നാലെ ഹോട്ടലിലെ ഡി ജെ പാർട്ടി നടന്ന ഹാളിലെ സിസിടിവി ദൃശ്യങ്ങള്‍ മാറ്റി. ഹോട്ടലുടമയുടെ നിര്‍ദ്ദേശത്തെ തുടര്‍ന്ന് ഡ്രൈവര്‍ ഡിവിആര്‍ വാങ്ങിക്കൊണ്ടു പോയി എന്നാണ് ജീവനക്കാരന്റെ മൊഴി എന്നാണ് മാതൃഭൂമി റിപ്പോര്‍ട്ട് ചെയ്യുന്നത്.
അപകടസ്ഥലത്തിന് സമീപത്തുള്ള സിസിടിവി ദൃശ്യങ്ങള്‍ പരിശോധിച്ചതിൽ ഇവര്‍ സഞ്ചരിച്ച വാഹനത്തിന് പിന്നിൽ മറ്റൊരു കാര്‍ പിന്തുടര്‍ന്നിരുന്നുവെന്ന് കണ്ടെത്തിയിട്ടുണ്ട്. ഇവരെ ചോദ്യം ചെയ്തപ്പോള്‍ അൻസി കബീറും സുഹൃത്തുക്കളും മദ്യപിച്ചിരുന്നതായും മുന്നറിയിപ്പ് നൽകുന്നതിന് വേണ്ടിയാണ് പിന്തുടര്‍ന്നതെന്നുമാണ് പോലീസിന് നൽകിയ മൊഴി. അതേസമയം, ഇവരും ഡിജെ പാര്‍ട്ടിയിൽ പങ്കെടുത്തിരുന്നോ എന്നും വാക്ക് തർക്കങ്ങളോ മറ്റോ ഉണ്ടായിട്ടുണ്ടോ എന്നും പരിശോധിക്കാനാണ് പോലീസിന്റെ ശ്രമമെന്നും മാധ്യമ റിപ്പോര്‍ട്ടിൽ പറയുന്നു.
Also Read :
ഇത് സംബന്ധിച്ച് രണ്ട് തവണ ഹോട്ടലിൽ പരിശോധന നടത്തിയിരുന്നെങ്കിലും പാര്‍ട്ടി നടന്ന ഹാളിന്റെ ദൃശ്യങ്ങള്‍ പോലീസിന് ലഭിച്ചിരുന്നില്ല. അതിനെ തുടര്‍ന്നാണ് ജീവനക്കാരെ ചോദ്യം ചെയ്തത്.
അതേസമയം, വാഹനമോടിച്ച അബ്ദുള്‍ റഹ്മാനെ പോലീസ് കഴിഞ്ഞദിവസം അറസ്റ്റ് ചെയ്തിട്ടുണ്ട്. മദ്യപിച്ച് വാഹനമോടിച്ചതിനാണ് നടപടി. മനപൂര്‍വമല്ലാത്ത നരഹത്യക്കാണ് പോലീസ് കേസെടുത്തിരിക്കുന്നത്.
