ന്യൂഡൽഹി
ലോക ജൂനിയർ ഹോക്കി ലോകകപ്പിനുള്ള പതിനെട്ടംഗ ഇന്ത്യൻ ടീമിനെ വിവേക് സാഗർ പ്രസാദ് നയിക്കും. ടോക്യോ ഒളിമ്പിക്സിൽ വെങ്കല മെഡൽ നേടിയ ടീമിൽ അംഗമായിരുന്നു. ഭുവനേശ്വറിൽ 24ന് തുടങ്ങുന്ന ലോകകപ്പിൽ 16 ടീമുകളാണ് പങ്കെടുക്കുന്നത്. ഡിസംബർ അഞ്ചിനാണ് ഫൈനൽ.
ഇന്ത്യയുടെ ഗ്രൂപ്പിൽ ഫ്രാൻസ്, ക്യാനഡ, പോളണ്ട് ടീമുകളാണുള്ളത്. 24ന് ഫ്രാൻസിനെതിരെയാണ് ആദ്യകളി. ഇന്ത്യ 2001ലും 2016ലും ചാമ്പ്യൻമാരായിരുന്നു.
