കൊച്ചി: ഡ്രൈവര്‍ക്കൊപ്പം ഓട്ടോറിക്ഷയുടെ മുന്‍സീറ്റിലിരുന്ന് സഞ്ചരിക്കുന്ന യാത്രക്കാരന് അപകടമുണ്ടായാല്‍ ഇന്‍ഷുറന്‍സിന് അര്‍ഹതയുണ്ടാകില്ലെന്ന് ഹൈക്കോടതി. ഗുഡ്‌സ് ഓട്ടോറിക്ഷയില്‍ ഡ്രൈവറുടെ സീറ്റ് പങ്കിട്ട് യാത്ര ചെയ്യുന്നതിനിടെ അപകടത്തില്‍ പരിക്കേറ്റ മംഗലാപുരം സ്വദേശി ഭീമക്ക് നഷ്ടപരിഹാരം നല്‍കണമെന്ന മോട്ടോര്‍ ആക്‌സിഡന്റ് ക്ലെയിം ട്രൈബ്യൂണലിന്റെ ഉത്തരവിനെതിരെ ഇന്‍ഷുറന്‍സ് കമ്പനി നല്‍കിയ ഹര്‍ജിയിലാണ് ജസ്റ്റിസ് എ ബദറുദ്ദീന്റെ ഉത്തരവ്.
Also Read:
കാസര്‍കോട് സ്വദേശി ബൈജുമോന്‍ ഗുഡ്‌സ് ഓട്ടോയില്‍ നിര്‍മാണ സാമഗ്രികളുമായി പോകുമ്പോഴാണ് അപകടം ഉണ്ടായത്. 2008 ജനുവരി 23 ന് ഉച്ചയ്ക്കുണ്ടായ അപകടത്തിലാണ് ഒപ്പം കയറിയ ഭീമക്ക് അപകടം ഉണ്ടായത്. 1.50 ലക്ഷം രൂപ നഷ്ടപരിഹാരം ആവശ്യപ്പെട്ട് ഭീമ നല്‍കിയ ഹര്‍ജി അനുവദിച്ച ട്രൈബ്യൂണല്‍ വിധിക്കെതിരെ ഇന്‍ഷുറന്‍സ് കമ്പനി ഹൈക്കോടതിയെ സമീപിക്കുകയായിരുന്നു.
Also Read:
ഡ്രൈവറുടെ സീറ്റില്‍ അനധികൃതമായി ഇരുന്ന് യാത്ര ചെയ്ത വ്യക്തിക്ക് ഇന്‍ഷുറന്‍സ് പരിരക്ഷ ലഭിക്കില്ലെന്ന കമ്പനിയുടെ വാദം കോടതി അനുവദിച്ചു. നഷ്ടപരിഹാരം നല്‍കാനുള്ള ബാധ്യത ഓട്ടോ ഡ്രൈവറും ഉടമയുമായ ബൈജു മോനോനാണെന്നും കോടതി വ്യക്തമാക്കി.
