Also Read:
പെണ്‍കുട്ടികള്‍ക്ക് അസൗകര്യം ഉണ്ടാക്കുന്ന തരത്തിലുള്ള യൂണിഫോമുകള്‍ കായിക മത്സരങ്ങളില്‍ നിന്ന് വിദ്യാര്‍ഥികളെ പിന്നോട്ട് വലിച്ചിട്ടുണ്ട്. പാവാട പാറുമെന്ന പേടികൊണ്ട് കഴിവുള്ള ഒരു കുട്ടി പോലും അവരുടെ കഴിവ് പ്രദര്‍ശിപ്പിക്കാനാകാതെ പിന്നിലേക്ക് ആകരുതെന്ന കാരണമാണ് ജെന്‍ഡര്‍ ന്യൂട്രല്‍ വേഷം ധരിപ്പിക്കാന്‍ പ്രേരിപ്പിച്ചത്.
2019 വരെ പാവാടയായിരുന്നു പെണ്‍കുട്ടികളുടെ വേഷം. എന്നാല്‍, ഇപ്പോള്‍ മുതല്‍ ആണ്‍കുട്ടികള്‍ക്കും പെണ്‍കുട്ടികള്‍ക്കും ത്രീഫോര്‍ത്തും ഷര്‍ട്ടുമാണ് വേഷം. കേരളത്തിലെ ഒരു സര്‍ക്കാര്‍ സ്‌കൂളില്‍ ജെന്‍ഡര്‍ ന്യൂട്രല്‍ വസ്ത്രരീതി വരുന്നത് ഇതാദ്യമായാണെന്ന് സ്‌കൂളിന്റെ പ്രധാനാധ്യാപികയായ സുമ കെപി പറയുന്നു.
Also Read:
‘ഉടുപ്പില്‍ നിന്നും പാവാടയില്‍ നിന്നും ത്രീഫോര്‍ത്തിലേക്കുള്ള മാറ്റത്തിന് രക്ഷിതാക്കളും കുട്ടികളും ഒരേ സ്വരത്തിലാണ് താത്പര്യം അറിയിച്ചത്. പെണ്‍കുട്ടികള്‍ക്ക് ഇണങ്ങാത്ത സ്‌കേര്‍ട്ട്, ഫ്രോക്ക് എന്നിവ മാറ്റി ത്രീ ഫോര്‍ത്താക്കി. ആദ്യം പ്രീപ്രൈമറിയില്‍ ആയിരുന്നു ഈ മാറ്റം നടപ്പാക്കിയതെങ്കില്‍ പിന്നീട്, ഒന്ന് മുതല്‍ നാല് വരെയുള്ള പെണ്‍കുട്ടികള്‍ക്കും സമാനമായ വസ്ത്രശൈലി കൊണ്ടുവന്നു’, പ്രധാന അധ്യാപിക പറഞ്ഞു.
