കേന്ദ്രസർക്കാർ കുറച്ച നികുതിയുടെ ക്രഡിറ്റ് അടിച്ചെടുക്കാൻ നോക്കാതെ പാവപ്പെട്ട ജനങ്ങൾക്ക് ആശ്വാസകരമായ നടപടി കൈക്കൊള്ളുകയാണ് സംസ്ഥാന സർക്കാർ ചെയ്യേണ്ടത്. എന്നാൽ തന്‍റെ മുൻഗാമിയായ തോമസ് ഐസക്കിനെ പോലെ താത്ത്വികമായ വിവരക്കേട് പറഞ്ഞ് ജനങ്ങളെ പറ്റിക്കാനാണ് ഇപ്പോഴത്തെ ധനമന്ത്രിയും ശ്രമിക്കുന്നതെന്നും സുരേന്ദ്രൻ വിമർശിച്ചു.
Also Read :
പെട്രോളിന് 30.08 ശതമാനവും ഡീസലിന് 22.76 ശതമാനവും വരുന്ന ഭീമൻ നികുതിയാണ് സംസ്ഥാനം ജനങ്ങൾക്ക് മേൽ ചുമത്തുന്നത്. ഇത് കുറച്ച് മറ്റു വരുമാന മാർഗം കണ്ടെത്തുകയാണ് പിണറായി സർക്കാർ ചെയ്യേണ്ടത്. എന്നാൽ വൻകിട മുതലാളിമാരുടെ നികുതി പിരിക്കാതെ പാവങ്ങളുടെ പോക്കറ്റിൽ നിന്നും കയ്യിട്ടുവാരുകയാണ് തൊഴിലാളിവർഗ മേനി പറയുന്ന ഇടതു സർക്കാർ ചെയ്യുന്നത്. തന്‍റെ കഴിവില്ലായ്മ ജനങ്ങളുടെ തലയിൽ കെട്ടിവെക്കാമെന്ന് ബാലഗോപാൽ കരുതരുതെന്നും സുരേന്ദ്രൻ പറഞ്ഞു.
ധൂർത്തിന് വേണ്ടി പാവങ്ങളെ കൊള്ള ചെയ്യുന്ന മനുഷ്യത്വവിരുദ്ധമായ സമീപനമാണ് ഈ സർക്കാരിനുള്ളത്. ചെലവ് കുറച്ച് ലോട്ടറിയും മദ്യവുമല്ലാതെ മറ്റു വരുമാന മാർഗം കണ്ടെത്താൻ ധനമന്ത്രി ശ്രമിക്കണം. കൊള്ള തുടരാനാണ് നീക്കമെങ്കിൽ ശക്തമായ ജനരോഷം സർക്കാർ നേരിടേണ്ടി വരുമെന്നും സുരേന്ദ്രൻ പറഞ്ഞു.
Also Read :
മാഹിയിലെയും കേരളത്തിലെയും പെട്രോൾ വില താരതമ്യം ചെയ്തു ബിജെപി കേരള സർക്കാരിനെതിരെ രൂക്ഷവിമർശനം ഉയർത്തി. “മുഖ്യമന്ത്രി പിണറായി വിജയന്‍റെ സ്വന്തം നാടായ തലശ്ശേരിയിലെ ഇന്നത്തെ പെട്രോൾ വില 104.4 രൂപ. എൻഡിഎ ഭരിക്കുന്ന കേന്ദ്ര ഭരണപ്രദേശമായ പുതുച്ചേരിയിൽ പെടുന്ന മാഹിയിൽ പെട്രോൾ വില 92.52 രൂപ. 8 കിലോമീറ്റർ മാറുമ്പോൾ പെട്രോളിന് കുറയുന്നത് 12 രൂപ. മലയാളികളെ നികുതി കൊള്ള ചെയ്യുന്ന സംസ്ഥാന സർക്കാരിനെതിരെ പ്രതികരിക്കുക.” എന്നാണ് മാഹിയിലെയും തലശ്ശേരിയിലും പെട്രോൾ വില പങ്കുവെച്ചുകൊണ്ട് ബിജെപി കേരള ഘടകം ഫേസ്ബുക്ക് പോസ്റ്റിലൂടെ പറഞ്ഞത്.
