പൊതുജനങ്ങൾക്ക് യാതൊരു വിധ ബുദ്ധിമുട്ടും ഉണ്ടാകരുതെന്ന് പ്രവർത്തകർക്ക് നിർദേശം നൽകിയിട്ടുണ്ടെന്നും കെ സുധാകരൻ പറഞ്ഞു. ഗതാഗതക്കുരുക്ക് ഒഴിവാക്കി കൊണ്ടുള്ള സമരമായിരിക്കും നടത്തുക. നികുതി കുറയ്ക്കാത്തതിനെതിരെ താത്വിക അവലോകനവുമായി ഇറങ്ങി സിപിഎം നേതൃത്വം പരിഹാസർ ആകരുതെന്നും സുധാകരൻ കൂട്ടിച്ചേർത്തു.
Also Read :
പിണറായി സർക്കാർ പൊതുപണം ധൂർത്ത് അടിച്ച് കളയുകയാണെന്നും എന്ത് വികസനമാണ് കഴിഞ്ഞ അഞ്ചുവർഷത്തിനിടെ നടത്തിയതെന്നും സുധാകരൻ ചോദിച്ചു. സർക്കാർ ചിലവഴിക്കുന്ന പണം രാജ്യത്തിനോ ജനങ്ങൾക്കോ അല്ല ധൂർത്ത് മാത്രമാണെന്നും അദ്ദേഹം ആരോപിച്ചു. കെ റെയിലും ജലപാതയും വരുമ്പോൾ ജനങ്ങൾക്ക് എന്താണ് നേട്ടമെന്നും അധ്യക്ഷൻ ചോദിച്ചു.
Also Read :
കൊച്ചിയിലെ വഴി തടയൽ സമരത്തിനിടെ നടന്ന പ്രതിഷേധത്തിൽ നടൻ ജോജുവിനെ സുധാകരൻ ഇന്നും വിമർശനം നടത്തി. സി പി എം നടത്തിയ സമരമാണ് ജോജു തടയാൻ പോയതെങ്കിൽ അയാളുടെ അനുശോചന യോഗം നടത്തേണ്ടി വന്നേനെയെന്നും സുധാകരൻ പറഞ്ഞു. “സിപിഎമ്മിന്‍റെ സമരമായിരുന്നെങ്കിൽ ഇവൻ പോകുമോ? പോയിരുന്നെങ്കിൽ ജീവനോടെ ഉണ്ടാകുമോ? അനുശോചനയോഗം നടത്തിയിട്ടുണ്ടാകില്ലേ? ജോജു സിപിഎമ്മിന്‍റെ സമരത്തെയാണ് ഇതുപോലെ കൈകാര്യം ചെയ്തതെങ്കിൽ അദ്ദേഹം ജീവിച്ചിരിപ്പുണ്ടാകുമോ ഇന്ന്?” സുധാകരൻ ചോദിച്ചു.
